قصيده في شيخ من أبرز شيوخ قبيله عتيبه / الشيخ بندر بن نايف بن حميد

[@ماجد العصيمي@]

[frame="7 80"][align=center]قـصـيدة في الشيخ / بندر بن نايف بن حميد


(( أبـــرز شيوخ قبيله عتيبه ))


يالله ياللي تحيي الأرض بالسيـل
ياعـالـمٍ بالبيـنـه والخفـيـه
ياخالـقً جيـلً ويامغيـبً جيـل
ياللي تدير الكون في كـل هيـه
ياللي حميت البيت من راعي الفيل
أرفق بحال اهل الننفـوس الرضيـه
وخلاف هذا هجرسـي يالتمثايـل
مال الوفـي غير البيـوت الوفيـه
انا ليـا منـي نصيـت الرياجيـل
والله مانصى اللي عموقه رديـه
الناشي الواشي قليل المحاصيـل
مايملك الأ الغطرسـه والزريـه
قلبه على اقرانه مثل ظلمة الليـل
في غفلة الاصحاب دابـآ وحيـه
يخاف من ظل العصاء مثل ماقيل
فرقاه عيد وشوفه اكبـر خطيـه
انصى هل الطالات ركابة الخيـل
اهل الظفر فى السلم والجاهليـه
سلام يانسل الرجـال الحلاحيـل
اهل الكرم والطيب واهل الحميـه
سلام ياحرآ طلع مطلـع سهيـل
غصبآ على الحساد واهل الاذيـه
حرآ على وكره بعيـد المناويـل
بندرولد نايـف زبـون الونيـه
ابو محمد طيـب الذكـر بالحيـل
شيخ الشيوخ اللي يشرف مجيـه
اللي جمع شمل القبيله عن الميل
ودعم مزايـن مقتنيـن المطيـه
لطامة العايـل وذباحـة الحيـل
تاريخهم مشهـور والنـار حيـه
عتيبـه الهيـلا رجـالا مشاكيـل
اهل الفعـول الوافيـه والنقيـه
وذوي حميد سيوف عزٍ مصاقيل
ياما ثنو مـن دون نجـد العذيـه
جلابت الارواح وأهل الفناجيـل
كم واحدآ منهـم يـذوق المنيـه
قولً عليه أثبات مهـوب تضليـل
حمايـة الساقـه نهـار الغزيـه
كل القبايل حقهـا وافـي الكيـل
لي نيـةً وضحـى ولنـاس نيـه
وصلاة ربي عـد وبـلٍ هماليـلً
على رفيع الخلـق محمـد نبيـه
[/align][/frame]

[إبن ثعلي]

صح السانك ياماجد والشيخ بندر يستاهل المدح

[@ماجد العصيمي@]

[align=center]حياك الله ياابن ثعلي

واسعدني والله انك تكون اول من ارى رده على القصيده ,,

ولا تحرمنا طلتك الحلوه على مواضيعنا [/align]

[عادل العصيمي]

ماجد العصيمي

صح لسانك

قصيدة جزلة ويستاهل الشيخ بندر بن نايف بن حميد

تحياتي

[ملاعب الاسنة]

الشاعر
ماجد العصمي

صح لسانك وعز الله ماقصرت ويستاهل ابن حميــد وآل حميـد كلهم سلايل مجد وشيوخ وفرسان وشعراء


والشيخ بندر سلايل محمد بن هندي بن حميــد رحمه الله


الذي يقول فيه الشاعر الكبير والفارس/ فراج بن فلاح التويجر الدماسي


وهو من المعاصرين للشيخ محمد بن هندي بن حميـد رحمهم الله جميعاً

[poem= font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ثم نصوهن ليا شيخٍ لزوم=شيخ برقا فالمنازل والزحام
يم إبن هندي عسى عمره يدوم=سلمو لي وأجهدو لي بالسلام
يوم يركض فوق شقراه القحوم=العبيسه ركضها فيه إدحام
فوقها يمنىً تروي للسهوم=يشبع اللي في مراج الخيل حام
ناقلٍ حمله معه حمل الخموم=لو تعقل عضاه بالحملين قام
يالله إني طالبك في كل يوم=تفهق أجله من ورى تسعين عام[/poem]

[ناصر بن سعدي]

أخـــوي الغالي

ماجد العصيمي ..
صــح لسانك ..

ويستاهل الشيخ /بندر بن نايف بن حميــد ..


رمــز من رموز عتيبه المؤثرين ..

وقليله في حقـه ..

وتقبـــل خالص تحياتي ..

[فهيد مقعد الرويس]

قصيدره رائعه

ويستاهل الشيخ نايف

لاهنت ياماجد

ولكن ياليت تذكر اسم شاعرها

واذا كانت لك سوف تذهب الي قسم قصايد الاعضاء

ويامرحبابك بين اخوانك

تقبل اطيب تحيه

[بوبـدر المقاطي]

يستاهل الشيخ : بندر بن نايف بن حميــد

وصح لسانك

أخوي الغالي

مـاجـد العصيمي

[@ماجد العصيمي@]

[align=center]استاذي واخي بن عجلان

شاكر لك هالمرور ولا تحرمنا هالطله


اخوك ماجد العصيمي[/align]

[@ماجد العصيمي@]

ملاعب الاسنه


بلاشك مرورك اسعدني

وتقبلي تحيتي مقابل هذا المرور المعطر




(((( وعندي استفسار لاخواني المشرفين )))

انا ماكان هذا عنوان الموضوع حقي وابي اعرف سبب تغيير هذا العنوان ,, واذا عباره شيخ شمل قبيله عتيبه هو السبب ,, فهنالك موضوع لاحد المسؤلين بالموقع بالصور لاحد شيوخ القبيله واستخدم نفس المصطلح ,,

افيدوني بهذا التغيير في هذا الموضوع لا عدمناكم ,,