لمثله وشرواه

[محمد قبلان]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

الله من قلبٍ كما النار تصلاه=تصلاه صلي البن في جوف محماس
لولا الردي ماصاب قلبى ولاجاه=هم ٍ وضيق وداخله كل هوجاس
عسى المواتر عند بابه توطاه=تاطاه من رجلاه لاعالى الراس
احسبه رجلٍ فالمواقيف تلقاه=واثر صحيبي معدنه صفر ونحاس
اللى مثل شرواك ياشيخ مبغاه=لو بالذهب يوزن على جوهر الماس
حدتنى الدنيا بعرفه وممشاه=لاعدت ياعرف المصالح والافلاس
وانا احسب انه من هل العرف والجاه=الآبه الى في الطلب سم في كاس
حنا نعرف الذيب من جرة الشاه=ونعرف ضرب الرمح من ضربة الفاس
عسى الرديه من غنمنا تفداه =يفداه من ضانى ضعيفات الانفاس
ويفداه خبلٍ ماتعشا بيمناه=عايش على امه للمواعين لحاس
هديتٍ منى لمثله وشرواه=لصاحب الى صحبته مالها ساس
العشب في الدمنه ولو زان مرعاه=يقول مخلد مارعته ام الاحلاس
عبرت من هيضى ويكفيه ماجاه=هيضت عن بالى وكلٍ له احساس
وصلاة ربى عد نوٍ بمنشاه =وعداد ماذعذع مع الصبح نسناس
على رسولٍ بالشهاده ذكرناه=صلو على المحمود ياجمعة الناس[/poem]

[جابر الثبيتي]

صح لسانك و لاهنت

الردي ردي ما ينتصاحب

والذم بالصاحب اردى

لك

التحية

[محمد قبلان]

المشاركة الأصلية كتبت بواسطة *النجـــــم* صح لسانك و لاهنت الردي ردي ما ينتصاحب والذم بالصاحب اردى لك التحية

[align=center]
لاهنت يالنجم على المرور الجميل

وانشالله ماهو بينا

ومنتدانا منتدا ربعنا هل العز والطيب

والردي مايزوره انشاء الله

وصح بدنك[/align]

[فهيد مقعد الرويس]

[align=center]محمد قبلان

صح السانك

رائعه بروعة تواجدك لاهنت

تقبل اطيب تحيه[/align]

[صنداح الزلامي]

محمد بن قبلان العتيبي

صح لسانك واعتلا شانك


قصيدة معبره ولكن ماهي في مستوى قصائدك

المعهودة ....................... دمت يخير

[عبدالله المرشدي]

محمد بن قبلان

صح لسانك

وعلى شانك

وسلم بنانك

تحيتي لك

[الصريح العتيبي]

الاخ الشاعر محمد قبلان

صح لسانك واعتلاء شانك

دمت بخير حا ل

[ابن مسلم]

محمد بن قبلان

صح لسانك

وعلى شانك

وسلم بنانك

شكراً لك

[ناصر بن سعدي]

حجـــز ملكي ,,

لـ القراءه ..

ولي عــوده بإذن الله ..

[ناصر الحربي]

محمد القبلان

صح لسااانك

نص جزل من شاعر جزل

اخووووك