وجدت البارحة هنا قصيدة للشاعر :ماجد هلال
قافيتها شينية وقد ذكرتني بقصيدة لي بنفس القافية وإن اختلفت في الهدف وقد تذكرت بعض الابيات فاوردتها بالرد على قصيدته
اليوم أطرحها بين أيديكم علها تنال شيئا من القبول
[poem=font="Simplified Arabic,6,black,bold,italic" bkcolor="transparent" bkimage="backgrounds/27.gif" border="ridge,6,sandybrown" type=2 line=0 align=center use=ex num="0,black"]
بالطيب والمعروف يا صاحبي عيش=ومن لا تجمل في لياليه ما عاش
تعاملك خله مع الناس بشويش=تكسب قلوب الناس ماحد ينحاش
خلك خفيف الظل لا تحب تفتيش=تلمع كما يلمع على ضوه فلاش
أحذر قريبك لا تطفشه تطفيش=لا تجابه الزلة بزلة و رشاش
برش طريق الطيب بالطيب تبريش=يرجع قريبك للمودة ولو هاش
نصحية لا تعتفش بس تعفيش=لا تصير للي خافية دوم نخاش
همش على الزلات بالعقل تهميش=واصل رحمك بكل حزة ومغباش
الشين لا تنبشه بالهرج تنبيش=خلك فطن لا تصير للشين نباش
ترى النفوس بطبعها تضيق من ويش =واكثر بلاوينا بذا الوقت من ماش
وليا ظهر في دنيتك بعض تشويش=خلك صبور ولا تسمع للأوباش
لا تستمع في هرج راع المحاريش=اللي حياته كلها حراش بحراش
ترى السحائب اوله زخ ترشيش=وسطه غزير وينتهي عاد برشاش
اقفل دروب بليس يا صاح بالشيش=تبصر طريق الحق ما صابك عماش
جنب عن اللي فيه للخلق تغشيش=أخبث صفات الرجل لا صار غشاش
والعلم لا تنقله للناس تبكيش=من شان لا تعرف مع الناس بكاش
بعد عن اللي مجلسه فيه تحشيش=من جالس الحشاش سموه حشاش
الكهربة ما دامها داخل الفيش=يبقى سليم ويعطي النور لافياش
الماء ليا منه قرب نار بيطيش=وإن كان بعدته عن النار ما طاش
الحر ما يرقا ليا نتف الريش=والذيب ما يرضى مناطحة الاكباش
ترى الذهب والماس مهو كما الخيش=الفرق واضح بينها ماس وخياش[/poem]
| 
|
06-20-2008, 11:07 AM
العرض العادي
