[poem=font="Simplified Arabic,4,white,bold,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
الله ولاذل القلوب العنيده=اللي تقول الشعر وتنظم جديده
أشوف في بعض الزوايا عناصر=متعنصره والشعر عيت تشيده
لني كتبته من مشاعر أنوثه=قامت عليهم كالرياح الشديده
ماأقول بار الشعر فيهم حسافه=أقول ذاشعري وهذا سريده
بيتن يعقبه بيت وآخر يعقبه=موزون من ميزان وزنه عضيده
أنا مثل ماللنجوم بسماكم=لي فالقصيدالجزل نظره وكيده
أغيب لكن بالجواهر أجيكم=من غبة بحور القصيد العديده
لاتظلمون إحساس من لاتعذر=في كل طاري له بيوتن فريده
ولاتحكرون الشعر لعيال آدم=مادامني للشعر شمعه وقيده
ولاتبخلون برآيكم في قصيدي=ولاتبخسون الشعر قمة رصيده
ياما كتبت الشعر وياما جفاني=وياما عقب غيبه وصلني وريده
لني ياشعار ولجان وصحافه=تغرق بي بحور القصيد وأجيده
قوت القلوب اللي إذا غابت أيام=قال الشعر وين البيوت المفيده
رسالة التوجيه وأحكام وأمثال=أنا وكلن قيل شاعر نجيده
تدرون وش معنى القصيد إبعيوني=معناه جزل ومن مبادي رشيده
أمسى مع الخنساء وعنتر وغيره=ومحمد أبن الذيب اصبح عقيده
في زحمة الشعارذا اليوم ووين انت=ياللي ترى نفسك تفيد القصيده
موروث شعبي وراس مال ورساله=للي يقوله من ضمير ويجيده
كذا أو إنك لاتحاول تخطه=من دون لامعنى ولا مستجيده
كذا أو إنك لاتبعثر حروفك=تكفى تركد لاتحاول تبيده
الشعر ماهوب للترف والتجاره=ولاهوب للكشخه وصوره جديده
الشعرمعنى وإمتياز ومبادي=وقبله وزن قاف ومسمى قصيده
لني كتبته ضد واجهت ضده=ولني حبكت القاف قالوا وحيده
ولن القصيد اللي كتبته نسائي=قالوو ش اللي جابها وش تفيده
أنا هنا بكتب قصيدي وأقوله=إما يفيدالشعر والا أفيده
ولجل أثبت إنه للنساء مثل ماهو=للرجل وشكوك العواذل بعيده [/poem]
| 
|
06-17-2008, 04:58 PM
العرض العادي
