غازي دخل الجيش؟؟؟

[غازي الروقي]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الاياطراد ياوجـدي علـى الديـره الاياطـراد=الاياطراد وش سويت لجـل الدهـر يظلمنـي
كفاي اني على وجه البسيطه قايد ومـنقـاد=بعد مـوت اللـذي بعـده حياتـي ماتسعدنـي
طلعت اكبر عياله والله انـه يرحمـه ماعـاد=افكر غير كيف اسعد هلـي لوماظحـك سنـي
وهذا انا تعسكرت ودخلـت الجيـش بالتعـداد=تغربـت وتغربلـت وهـذاه الوقـت قلبـنـي
ليا داومت قبل الصبح لني فـي غثـا وجهـاد=علامك ليـش متأخـر وكلـن قـام يزعجنـي
وجا فارس يبا يكتـب علـي افـاده ومشهـاد=وانا صرف ومتقرف وشوف الوقـت يلهدنـي
ويالـه روح تصليبـه تـرا ماعنهـا مصـداد=ولا وجهي بوجه البومـه اللـي قـام هددنـي
يقول ابافصلك كنه على فصلي استفـاد وفـاد=الا ليـت الفنـا يمكنـه قبـل انـه يمكـنـي
ونادا للهروبـي كنـه الناقـه عليهـا اشـداد=رح وجمـع غياباتـه لجـت ثلثيـن بلغـنـي
الا يالله يـارازق لبـاب الـرزق ذا ســداد=الا يالله خارجنـا منـه يــارب خارجـنـي
وعسى وقتن مضى يبدل بهذا الوقت وقت اعياد=ابا عيـش السعـاده فيـه دام الهـم فارقنـي [/poem]

[فلان الفلاني]

[align=center]طلعت اكبر عياله والله انـه يرحمـه ماعـاد
افكر غير كيف اسعد هلـي لوماظحـك سنـي


غازي صح لسانك
والله يرحم ابوك
وأن شاء الله تسعد اهلك ..


والله يخارجك من الجيش
مافي الجيش عيش ..



تحيتي لك[/align]

[ذايع]

غازي الروقي

تسلم ياالذيب وعسى العود للجنه وعسى التوفيق فالك ان شاء الله

والمعذرة يا ولد العم...

احترامي

[سلطان بن دحيم العطاوي]

[align=center]غازي


الله يرحم ابوك ويسكنه الجنه


ويعووضك ويبارك فيك ويعينك

صح لسانك قصيده ما فيها هرجه وانا اخووووك

لا هنت [/align]

[عبدالله المرشدي]

[align=center]صح لساانك

ياغازي


وعلى شانك

لاهنت[/align]

[جابر الثبيتي]

صح لسانك وعلا شأنك

اعانك الله

وما الدنيا الا كفاح

فالك التوفيق

[ولــ منجوم ـــد]

[align=center]غازي الروقي

صح السااانك

والله يرحم شايبك ويسكنة فسيح جناته

ويرحم اموااات المسلمين

وعليك بالصبر والتحلي بروح الجنديه

وهنا

تعرف الرجاااال

تحيتي لك[/align]

[غازي الروقي]

الأخوه الزملاء
صصصححح الله السنتكم كلكم ولافيكم اقصور
وجزاكم الله الف خير
اتشرف بمرورك الكريم
تحياتي لكل من نور الصفحه بمروره ...

[الـسليفي]

غازي

صح لسانك ولاهنت قصيده جزله

صورت لنا واقع مرير بس لاعاد تتاخر يفصلونك ترى ماحد لاقي وظيفه بهالوقت .. :)

كل الشكر لك ولنبضك وبانتظار كل جديد

ولك ودي

[غازي الروقي]

المشاركة الأصلية كتبت بواسطة الـسليفي غازي صح لسانك ولاهنت قصيده جزله صورت لنا واقع مرير بس لاعاد تتاخر يفصلونك ترى ماحد لاقي وظيفه بهالوقت .. :) كل الشكر لك ولنبضك وبانتظار كل جديد ولك ودي

ههههههههههههههه
صح ابدانك ياخوي
وخلاص تامر امر
تحياتي لك ...