[align=center]اخبتي
السلام عليكم ورحمة الله وبركاته
يطب لي ان اقدم لكم هذه الابيات المتواضعه
التي اعددتها بمناسبة تدشين منتدى قبيلة
الذويبات احد قبايل عتيبه العريقه امنيتي ان تروق لكم
وتشاركوني افراحنا ولكم محبتي وتقديري
مع رجائي قبول عذري عن القصور ايا كان
قبيلة الذويبات
[poem=font="Simplified Arabic,6,blue,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
جلست افكر من وردني خبر زين = وانقا الحروف الغاليات الثمينه
اخطها تبقا رسوم وعناوين = وترسي مثل ترسي جبالٍ زبينه
هذي قبيلتنا لها عندنا دين = مادام للتاريخ صفحه تبينه
ابا افتخر واكوّن الحرف تكوين = واسج إبه والكل يسمع رنينه
يفرح محب العز وايموت ثانين = اهل الحسد والحقد واهل الضغينه
لنا مع التاريخ ياناس ناسين = افعال تجرح فالقلوب الفطينه
ياكم لطمنا اللي علينا معادين = واقفوا يشيلون القهر والغبينه
من دون ديرتنا سوات السلاطين = يوم ان للعربان ديْنٍ ودينه
في ماضي الازمان وان كان ذالحين= لازالت انفسنا تحب السمينه
وحنا تحت حكم الرجال المتاقين = آل السعود اهل الدراج الزبينه
اهل الفعول مروعين الشياطين = برٍّ وجوْ وفالبحر بالسفينه
توحيدهم للصف اكبر براهين = وحرب الجهل ونشر العلوم الحسينه
طاعة ولاة الامر ياعارف الدين = ثالث امر ياعارف اوصول دينه
لكن مايمنع ليا قلت يازين = افعال ربعي والعلاقه متينه
قبيلة شبابها كالشياهين = العلم من كل الطرق محتوينه
زهرة شباب مثل زهر الرياحين = وانفوسهم يم المعالي رهينه
على اقتحام الصعب بالحيل قاوين = والبعضهم مثل الجفن ضم عينه
فيهم صلاب الراي فيهم رشيدين = فيهم شعار المجد ساعة دنينه
اللي يدور حل نعطيه حلين = واللي يدور عون حنا نعينه
هذي رموز وباقي العلم دارين = كل القبايل واش بقي من كنينه
ومن يجهل اقول الذويبات راسين = على مدار الدهر واشهر سنينه
ماجبت مدح الا على فعل وافين = ان كان به عز فهم كاسبينه
ومن دون قاصر فالقبايل مثيلين = والمدح خير ان قلت والسب شينه
[/poem][/align]
| 
|
02-15-2008, 08:56 AM
العرض العادي
