مراسله بين الشاعرين/ سعد بن عبيد المرشدي والشاعر/عصام المرشدي

[عصام بن عباس المرشدي]

اعزائي الاعضاء المحترمين
اليكم هذه المراسله التي دارت بيني وبين الاخ الشاعر
سعد بن عبيد المرشدي
وهي من المراسلات الجديده عسا ان تنال رضاكم وكانت البدايه من
الشاعر سعد حيث يقول:






[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياراكب اللي من نظر بويته ون= لونه غرام وداخليه فخامه
في اكس ار مصممه زوده فن=ومن مصنع اليابان فوقه علامه
جاي طلابيه ماجابه ولد هن= ولايملكه ياكود راعي زعامه
عنه اليدين بعدهنه يعجزن= ياسايقه شغل وجود حزامه
وعب التوانك لين بالزاد يكفن= ثم نحره للعاصمه بالسلامه
ملفاك من يضحك ماهوب المحزن= عصام ابونادر رفيع مقامه
في مجلسه تلقا النشاما على بن= وكل العلوم الطيبه والكرامه
ابا اشتكي له يوم قلب العنا حن= من واحد فرض علي احترامه
خلا هواجيسي يجن ويروحن= وطبيت في بحر يزيد التطامه
بحر مايعبر به بواخر ويرسن= جيته مثل حر غنم له حمامه
لين الشبك بيدين قرناس لزمن= وانا شبكني من شبكني غرامه
بنجل لعشاق المحبه يصيبن= من شافهن ماهو بويا السلامه
نجل تخلي كامل العقل ينجن= خصن ليامنه نظر ببتسامه
لافك عن صدره زراره ليا كن= شمس جلت غيم السماء مع ظلامه
غطت على نجوم السماء مع قمرهن= من شافها مايهتني في منامه
اخشى عليه من المخاليق واحن= واشفق على شوفه ولذة كلامه
عليه كبدي والمعاليق يبسن = تكفى يابو نادر عدو الرخامه
ماغيرك احد له هجوسي تنصن= وليا نصيتك مالحقني ملامه[/poem]
واليكم الرد



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قم يالنديب احمل كلام معنون = النون صدر البيت والهاء ختامه
انهض ليا منك سمعت المؤذن= وأد الصلاة بمسجدك خلف امامه
واسرح وخله يقضب الدرب الايمن= درب يحذف ايسار قصر اليمامه
فوق الجديد اللي حديده مجلفن= وقعت من عند الوكيل استلامه
ابيض حديث اطراز ماهوب الادكن= بالحاسب الالي مبرمج نظامه
من وارد الالمان والنوع الاحسن= تفننو حتى بتظليل جامه
مايزعجك صوت الجرس كل مادن= هذاك للجاهل وراع الغشامه
وانته بعقل وخل مشيه مقنن= الله يجيرك من عذاب القيامه
نصه عفــيف وفيه لاتاقف ابدن= من غير نقص وكره لاهل الشهامه
واليا طلع عشرالدقايق يكفن= حاسب وجاك العد عد الجهامه
اهزع يمين وعن سعد لاتماهن= وغداك هرفي عصوبه ايدامه
غير الدلال وعود ازرق ليا خن= ومشاهدة ربعه خوال وعمامه
قل ياسعد منك التماثيل وصلن= وافطر بهن قافي وخلا صيامه
من زين سبك بيوتهن يوم لي جن= يفوح من هنه عبير الخزامه
لاهنت وبيوتك عسا مايهونن= ماعقب تكفى غير اطش العمامه
في لازمك مالي جماله ولامن= وسطت رجال وجاه وقرامه
رجل فصيح لسان ماهو بيلحن= رفيع قدر ودوم مرفوع هامه
والمال جاهز كان بالمال ممكن= ناصل لحل مع اهل ظبي العدامه
هاذي حلول جعلهنه يفيدن= راحت سنين الحرب هي والقوامه
واسلم عدد نو بروقه يلوحن= هتاف وسمي ترادم غمامه[/poem]
وسلامتكم انتم كذلك..