قصيدة محمد جارالله السهلي

[معدني ألماس]

هذي قصيدة الشاعر محمد جارالله السهلي اعجبتني وحبيت انكم تقرونها:)


اسبوع مر ولا وصل منك مرسال

ياقو قلبك كيف تقطعني اسبوع

الجوع كافر وانت ما ترحم الحال

وانا عليك من الوله ميت جوع

يا اللي غيابك صعب يطري على البال

تركتني ضايق وحاير ومفجوع

ماكني إلا شايب فاقد عيال

وما كنك الا محرم حق مشروع

يفوع لك قلبي ليامر الاطلال

ياليت مالي قلب يشتاق ويفوع

حسبي عليك شلون قطعت الامال

باآآآموت لا صار الامل فيك مقطوع

يا صاحبي ما كل نزال رحال

انت الحيا من وين مارحت متبوع

نسياني لزول بالاعماق يختال

اصعب على صاحبك من حبة الكوع

لو الثمن في شوفتك عمر رجال

كان الثمن من يوم غبت مدفوع

ولو القدر ماتم قوله ليا قال

ما ضاق صدر ولا انحنى راس مرفوع

يا صاحبي عشقتني فعل وخصال

وانا عشقتك شعر واحساس واطبوع

وشلون تتركني كذا لا شهب اللال

وقدام عيني عيني تجف ينبوع ينبوع

وانا عشانك جيت والغيم همال

اسيل الوديان واداحم جموع

ماردني عنك سواليف عذال

تزعل على ربوع وتقدر ربوع

كان المهم اعيشك جنون ووصال

ويكون لي كلمة ولي راي مسموع

واليوم ضاقتبي من الجال للجال

فرقاك تقصم ظهر وتحز وتلوع

لو جيت شفت الحال ما سرك الحال

في غيبتك ضايق وحاير ومفجوع

هذا غياب اسبوع وشلون لو طال

طالبك لا يطول غيابك عن أسبوع
وتحيااااااااتي:)

[فهيد مقعد الرويس]

صح السان شاعرها

ولاهنت يامعدني الماس

على النقل الرائع

ومكان القصيده هنا في قسم الشعر الشعبي

لان قسم قصايد الاعضاء خاص بقصايد الاعضاء

تقبل تحيتي وتقديري