قصيدة للشاعر بندر بن سرور القسامي (رحمة الله وغفر له)

[البارز]

[align=center] الله من عين طرقها صواديف 000000 عميت ويبسن العروق الصخافي

شفت الوزابالعين من عرض ماشيف000 شفته وغيري من فطن له وشافي

وقت تغير فيه حتى العواصيف 0000000 جافي عواصيف الرياح اختلافي

شره قناطير وخيره مقاطيف 000000000 يفطن له اللي يرضع الديدغافي

كم واحد جاله زمانه على الكيف 0000000 واغترته نفسه يبا الجود وافي

يطلع مطاليع العيا بالسواليف000000000 بين العذارا عد روحه اسنافي

يفرح بهرج بالقفا ويكره الضيف 000000000 قتات والقتات بالنار هافي

يعلق قصيره علقة النار بالليف00000 عـــي ولـــــد عي زنوده اضـعافي

ان رخصت الحذوه توقا عن الحيف00 وان غليت الحذوه مشى اللاش حافي

يرقد ويلحق والدينه تخاليف 00 0 00 000 دايم ومرقد ميت النار دافي

هومادرى ان الجود يبغى تكاليف00 00 سهر الليالي مقبلات مقافي

يبغى ايدين للعطايا مغاريف 00 00 ويبغى ارجول ماتمل الوقافي

والصبر بنحور السنين الشواحيف00 00 اللي قساهن مثل حد الرهافي

مايقدرون الجود سود الاطاريف00 00 امشاركة بيض النساء باللحافي

يقدر عليها اللي حكم نجد بالسيف 00 00 واودع قبايل والقبايل اولافي

عبدالعزيز اللي يبث المصاريف00 00 يجدع قناطير الذهب بالفيافي

يمشي على دربه جموع مزاريف 00 00 نوٍ تنثر ماه والجو صافي

تشدي لواقيط الزبيدي بعدريف 00 00 مما كسا البيدا تفيد الضعافي[/align]