سلام لعتيبة مني وتحيه

[نسمة غلا]

اعضاء منتدى عتيبة الافاضل

اهدي لكم هذي الابيات علها ترضيكم عني بعد غيابي عنكم

ويعلم الله انكم تنحطون على الجرح يبرا بس وش حيلتي الا الاعتذار منكم

بقلة دخولي لانشغالي


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هاض الخفوق وطاير الشعر رفى=قلت امدح اللي يعرفون المواجيب
مني سلام مع التحيه موفى=اهديه لعتيبه بوسط المكاتيب
معدالهم بالطيب كفى ووفى=والشاهد الله مالحقهم عذاريب
نبّاعهم بالجود ما بعد جفى=يسقي غريب الدار ويا الاصاحيب
الطيب فيهم ظاهرٍ مايخفى=يبين عند اربوعهم والاجانيب
لاصحابهم مثل القراح المصفى=ولاضدادهم شر وعذاب ولواهيب
في دارهم زرع الكرامات ضفى=والجود عدى فوق روس المراقيب
نور الحقيقه عندهم مايطفى=وفي دارهم تصفي لذيذ المشاريب
وانا لقيت اللي غمرني وكفى=من طيبهم حصلت كل المطاليب
الطيب حيٍ عندهم ماتوفى=وانا لقيته صدق ماهوب اكاذيب
وربعي تميم اللي علمهم يرفى=بالطيب والنخوه وحسن الاساليب
تقوله اللي قدرها مايهفَى=ولا وطت درب الردى والتلاعيب
[/poem]



[align=center]وسلامتكم[/align]