بسم الله الرحمن الرحيم
السلام عليكم
اخواني اعضاء وزوار هذا المنتدى الشامخ يسرني أن تكون هذه أول
قصيده اطرحها بين يديكم متمنياً من الله أن ترتقي إلى ذائقة الجميع
وأن تنال ولو جزء بسيط من رضاكم.....[poem=font="Simplified Arabic,6,white,normal,normal" bkcolor="blue" bkimage="" border="double,5,deeppink" type=0 line=0 align=center use=ex num="1,black"]
فكسار واللي غير خله على يسار
متى على الله نبدل الفرد فكسار=فكسارٍ ابيض من حديث الطرازات
الفرد طيب لابغيته بالاسفار= والله ماهمه بعيد المسافات
لكن انا عفته وابا اشب به نار=من بعد ما شفت الجيوب الحديثات
فكسار واللي غير خله على يسار=هيهات تلقى مثل فكسار هيهات
في وصفه الشعار ياناس تحتار=غريب جداً ما يوصف بالابيات
لكن اباخذ منه لمحات واختار=ابا اختصر واعطيك موجز ولقطات
الوجه وجه اللي توصف بالاقمار= بنت الشيوخ مطوعين الصعيبات
وليا اعترض مثل السكب وصط مضمار=يبا الجوايز من يدينٍ كريمات
وليا قفيته كله اسرار فـ اسرار= ارقام وحروف ورموز وعلامات
وصوت المكينه يوم بالسلف يندار= ضحكة بنيه بين شلة بنيات
والداخلي بعطيك موجز للاخبار= مقدر على التفصيل والا الاطالات
طالع اما وخلف ويمين ويسار= كنك بغرفة نوم بـ ارقى الأوتيلات
مخمل وجلد وعاج طبلون وازرار=وسيدي وثلاجه وتيرمو وشاشات
وليا انطلق من سرعته كنه عيار= عيار رشاشٍ يصد المغيرات
حتى ايش لو حطوا له الأمن رادار= يصعب عليهم رصدته بالردارات
انا اشهد انه كار ثم كار ثم كار= عند العرب له كار وعند الخواجات
وانا بقلبي له معزه ومقدار= اقدره تقدير الأجواد بالذات
لاشفت زوله كنه يخمني زار= زار العبيد ليا سمعوا سامريات
بالشرق الأوسط ما مشى مثله ودار= وايضاً بعد فالغرب ماله شبيهات
صنايع اليابان وافين الأشبار= قطم الخشوم وضيقين العوينات
الله معوضهم عن الزين بافكار= امخاخهم امخاخ ماهي مخيخات
راجت بضاعتهم على كل الأقطار= ومن جودة الانتاج حطوا ضمانات
يازين مسراحه على وقت الاسحار= قبل كذوب الصبح يطلع بلحظات
مع سهلة تنبت بها انواع الازهار= ماداجها ادباشٍ ولا رجل كشات
نوارها كنه تحت ضو الاقمار= مدينةٍ فيها يقام احتفالات
وختامها ما ينفع الهرج لاصار= مافي الرصيد فلوس غير الهللات
وسلامتكم //// اخوكم ظافر العتيبي[/poem]
| 
|
04-03-2008, 10:29 AM
العرض العادي
