يـآدحـيـم لوـو شـفـت غـرـرٍوـون ضـآق فـسـتـآنـه

[& نواف العتيبي]

السلام عليكم ورحمه الله وبركاته ،،،

مساء / صباح الخير

هذه اول مشاركه لي في المنتدى وأتمنى انها تعجبكم

هذه القصيده للشاعر/ ملفي بن عون الرويس
هذه القصيده سندها للشاعر/ عبدالرحمن عادل الشمري في قصيدته شاميه أتصلت غلطانه

لا اطيل عليكم وهذه القصيده

يادحيم لو شفت غرون ضاق فستانه
بين تفاصيل جسمه لعنبو حييه

مدري يبي السوق ولا بيت جيرانه
والناس مع ساقته راكب ورجليه

تمشي على هونها ماهيب عجلانه
وثنتين معها ولا هن عندها شيه

مرت وهي بالوسط ماهيب طرفانه
هي الطويله وهنه أقصر شويه

اللي على يمينها يادحيم هلكانه
وطرت علي المجاعه في اثيوبيه

واللي على يسارها تقول مرضانه
في كف جوال والثاني ميداليه

تاخذ وتلخص وفمها فيه لبانه
تقول تمشي على نغمات غربيه

تلد بعيونها لو مالها خانه
القلب ماهو فندق للرومنسيه

ماجاب طرق الهجيني غير منشانه
مياسة كنها بالوصف حوريه

القلب سلملها مفتاح بيبانه
حورية مابين جنيه وجنيه

اليا اقبلت شفت رمانه ورمانه
ورمانتينن بوسط الجيب مخفيه

كن النحر لو غطا نصفه بكتانه
قدحت فراش المراسيم الأميريه

ولحظة تعدى نظرت الموت بألوانه
تحت العبايه لها هزات جزئيه

منها خطوره على زنده وسيقانه
استغفر الله عذاب للهواويه

اللي على موتره وقف علشانه
واللي لحقها بلا غتره وطاقيه

حتى اليماني طلع ماصك دكانه
أعذر بقشه ولا سكر تجوريه

يادحيم قلبك تولع يم لبنانه
وشلون يالشمري لو شفتها هيه

ماهي شامية دقة وغلطانه
لا والله الا هنيا بالسعوديه


أخوكم / نـوـوآف آلـ ع ــتـيـبـي