حبيب العازمي** وابن مشيط (طاروق عنيف)

[احمد الزايدي]

[align=center][grade="00008B FF6347 008000 4B0082"]

حــبــيــب الــعــازمـــي

ياجاهل فـي عتيبـه يستـر الله عـلاك *** عتيبه ابناء سعد وايظـا خـوال النبـي
وانا مالومك مادام انـك هـذا مستـواك *** لوقلتلـك ويـن ربـك قلـت فابوظبـي



مـحـمــد ابــــن مـشـيــط
ماني بجاهل وعلمي ياولـد روق جـاك *** لوكنت خال النبي يالعازمي فـي شنبـي
الأرض ماهيب لك والعرش ماهو سماك *** ولا يجهل الله تعالى غيـر مثلـك غبـي

حــبــيــب الــعــازمـــي

هذا حديـثٍ موثـق وأعتقـد ماخفـاك *** واللي يعارض حديث الصالحيـن يهبـي
ليتك مادام السعـه عنـا تدربـى وراك *** وانته لوانك ذكي يمديـك جيـت تحبـي

مـحـمــد ابــــن مـشـيــط

يالعازمي هد نفسك وأعتذرك من خطـاك *** دامك توضح حديث من النبـي وشتبـي
ماجزت عن طبعك الماضي يامال الهلاك *** تبغي تسلطن ولا يدخـل معـاك أجنبـي


حــبــيــب الــعــازمـــي

أرجع على الحق وأسلم كان ربي هـداك *** وان كان ما أسلمت قدني واصلك يا صبي
انته ليا جيت في نجران جـاك اشتـراك *** ما أدري من المكرمي ولا مـن الأكلبـي

مـحـمــد ابــــن مـشـيــط

ابلشتنا مع عتيبه وانت مغشـوش مـاك *** غير العصا ياذلول ابليـس ولا اشربـي
ان رحت وان جيت علمي يا حبيب دهاك *** امعرب منسبـي مانـي بـورع صلبـي

حــبــيــب الــعــازمـــي


لا بالله انته مصفى ميـر بلعـن ثـواك *** بلاش ترفع يدك وانتـه تحـت منكبـي
ياشين شكل الكبير اللي عليـه ارتبـاك *** انا اعرف منسبك وانت تعـرف منسبـي
مـحـمــد ابــــن مـشـيــط

ان كانها بالحكي ما حدن تمشـى معـاك *** وان كانها بالفعل منزلك تحـت اركبـي
قدلك تهرب عن ابن مشيط والله رمـاك *** ولا عندنا ياحبيب غيـر صتـم حلبـي
حــبــيــب الــعــازمـــي

ياقدر ليتك مغطى مـا كشفنـا غطـاك *** ركبـك ياجعلهـا بالـداب والعقـربـي
تحدنا بالخطا يـا ليـن نبحـث خفـاك *** واللحيه اللي نقـص تقديرهـا تتربـي

مـحـمــد ابــــن مـشـيــط


ياحارس القول كورتك اسقطت من يـداك *** سددت صوبك قذيفـه والهـدف لولبـي
انت المعزب وانا ضيفٍ تعشـا عشـاك *** وأثرك في صدرك الواسع حكي مختبـي


حــبــيــب الــعــازمـــي

أعطيتك المصحف الطاهر ومسـواك راك *** وأثـرك لامسلـمٍ مخلـص ولاغيهبـي
بلاك ضيفٍ ما صنت معزبـك مـن رداك *** تقـف مابيـن الوجيـه الغـر وتكذبـي


مـحـمــد ابــــن مـشـيــط


رجعتلك مصحفك وأهديت معه السـواك *** مطلبك هذا يابوفيصـل ماهـو مطلبـي
الطيب طبعي مادام أن الردى من وفـاك *** لو يختلف مذهبك مـا يختلـف مذهبـي

[/grade][/align]

[ناصر بن سعدي]

إخوي الغالي


أحمد الزايدي ,,


لاهنت على هذا النقل ,,

ومحاروه رائعه بين عمالقه من عمالقة الشعر ...


وتقبل خالص تحياتي ..

[فلان الفلاني]

[align=center]
أحمد
الله يعطيك العافيه
محاورة بين شعيي وسني :)
واهم شي عند شيعي مكرمي :)

لا هنت [/align]

[المطيري305]

والله في هالمحاااورة انا اشهـد إن بـن مشـيـط أحـرج حـبـيـب
وع العموم الدعـوة لـعـب
وصـحـة ألـسـنـة الـشـعـار
ولا هنت أخـوي

[منصور المطيري]

لاهنت المطيري

[ذيب الشيباني]

[align=center]ياسلام عليك يابو فيصل عزالله انه سحّب فبن مشيط مثل ماسحّب بتركي الفين في كشب :)[/align] [align=center]لله درّك يابو فيصل :)[/align]

[منصور المطيري]

هههههههههههههههههههههههههههههههههههههه

[روقي قرم]

محاوره قويــه

بوجهة نظري كلاهما سوا ولكن ابو فيصل يدس المعنى اما بن مشيط معناه ظاهر


لاهنت يالذيب على ماجبت

وعطنا كل شي جديد ماهو قناة الساحه الي تقطع كل شي :)

تحياتي

[فيصل العجمي]

ان كانها بالحكي ما حدن تمشـى معـاك *** وان كانها بالفعل منزلك تحـت اركبـي
قدلك تهرب عن ابن مشيط والله رمـاك *** ولا عندنا ياحبيب غيـر صتـم حلبـي

هذا البيت قوي واحرج حبيب واجد وهو بيت من ثلاث اوجه



وجهه نظر

[روقي قرم]

ايه بس عطاه بيتن ضيعه فيه يالعجمي :)

أعطيتك المصحف الطاهر ومسـواك راك *** وأثـرك لامسلـمٍ مخلـص ولاغيهبـي
بلاك ضيفٍ ما صنت معزبـك مـن رداك *** تقـف مابيـن الوجيـه الغـر وتكذبـي


اعتقد عرفت وش يقصد فيه :)