جـــــــدات.. عفواً.. معلمات في مدارسنــا ؟؟

[شذى العصمه]

بسم الله الرحمن الرحيم

أود أن أناقشكم اليوم عن موضوع مهم للغاية ..
وأتمنى منكم التفاعل ..

انا لا أجيد المقدمات .. ابداء في الموضوع..

نعلم جميعا أن المدرسة(المعلم _المعلمة) هي تلك المؤسسة التي تنوب عن المجتمع لتحقيق وظائف عده للإنسان من أهمها تنمية شخصية الطفل من جميع جوانبها , الجسدية والعقلية والفكرية والاجتماعية والعقائدية , والنفسية ...


ونعلم جميعاً أن علاقة كل من تحويه غرفة الصف (التلميذ والمعلم) علاقة متشابكة ومتعددة ..لذلك يجب أن تكون علاقة قائمة على الحب والتفاهم والاحترام وتبادل الآراء والتجديد ..ومشكلتنا تكمن في عدم وجود ذلك ..

فمدارسنا تكتظ بمعلمات أخذن شوطاً طــويلا من التعليم , ولم يعد لديهن القدرة على العطاء المتجدد .. لم يحصلن على دورات تدريبيه تبين كيفية التفكــير والإبداع لدى الأطفال..


يعتمدن في التدريس على الطريقة الإلقائية , البعد كل البعد عن التنوع في الدرس كما في (الأساليب الحديثة) , كذلك بعدها التام عن المعلومات الجديدة المتطورة في تخصصها . في مدارسنا معلمات يشجعن على حفظ المعلومات نصاً..


لذلك نجدهن لا يقدمن حوافز تشجيعية للأطفال على أفكارهم غير التقليدية.. الطفل في هذه الحالة لا يعطى فرصه للإبداع فهن يتقيدن بما هو في المقررات الدراسية من معلومات دون إضافة ؟؟..
في المقابل نجد آلاف الخريجات الآتي لم يعطين الفرصة في تقديم ما لديهن من مناهج وطرق تدريس حديثة ..


ما الفائدة من تجديد مناهج التدريس في الجامعات والكليات بينما تستخدم مناهج مر عليها أكثر من عشرين سنه (بدون مبالغة) .
أنا شخصياً أعرف معلمات مر على تدريسهم أكثر من 30 سنه .. ؟؟


والأغرب من ذلك عند تطبيق طالبات الجامعة في الروضه أوالمدرسه يرون العجب العجاب في الشرح وإذا انتقدنا طريقة تدريسهم قالوا (مهب أنتي اللي تعلمينا حنا خبره وانت توك ما عندك سالفه>> عن تجربه)؟؟

(( بــالله عليكم من اللي ما عنده سالفه؟؟))


# بــكلامي هذا # ..((لا أعم)).. .كل المعلمات ولكن الأغـلــــب .


(أريــد رأي الجميــــــــــــع بكــل صراحة )

وقـــفــــــة //

تعد اليابان من أبرز الدول في العالم التي تبنت سياسات واستراتيجيات واضحة لتنمية التفكير المبكر لدى أبنائها , حيث تقوم فلسفة يابانيه على :
الاهتمام المبكر بإنماء قدرات التفكير منذ الطفولة المبكرة ,
والابتعاد في التعلم عن حشو الذهن بالمعارف , لأن ذلك يعوق التفتيح الحقيقي لقدرات التفكير الابداعيه الاساسيه .
لذلك هي تعد من أكبر الدول الصناعية المتقدمة , وهي حالياً
أكبر دولة مانحة للقروض ..ويدلل على ذلك تزايد عدد براءات الاختراع , والتقدم الصناعي والتقني الهائـــل .



دمتـــــــــــــ بود ــــــــــم

[ناصر بن سعدي]

ختي


شذى العصمه


لاهنتي على الطرح الرائع ..

وأشاطرك الرأي ..فيما ذكرتي ,,

ولكن العتب ليس على المدرسه ..بل على المناهج ..

أغلبها عديم الفائده ..(لماذا) لأن الطالب أو الطالبه يرى أن الهدف درجه ونجاح فقط ..وبعد الإختبار كل شي يذهب أدراج الرياح ..


ولكن لو أغلب مناهجنا ورش عمل ..وتعلم صنعات وحث على الإبتكار والإختراع وصرف مكافأت لـ تبدل الحال ..كما أن الدورات لو تكون مستمره ..ويصرف لها مزايا ماليه ..لكان أفضل وأفضل ..


ولكن ,,

لقد أسمعت لو ناديت حياً***ولكن لاحياة لمن تنادي ..


وتقبلي أزكى تحياتي ,,

[روقي قرم]

شذى العصـمه

موضوعك جميل
انا معـاك ان المعلمين والمعلمات القداما لايستخدمون الطرق الحديثه ولايتعمقون بالدروس ماهي الا اساسيات
واعارضك في نفس الوقت
انه ليس على المعلمات فقط
أن المناهج الدراسيه ليست مثل اول بالعكس الاول افضل
كانوا يحفظون الكتاب حفظ وهو 200صفحه واكثر ويفهمونه والان في وقتنا الحالي من كتب الطلاب والطالبات تحصلينه100صفحه والمحدد عشر دروس ويعجز الطالب والطالبه عن حفظها

والمشكله والله ماهي من المعلمات المشكله بالطلاب والطالبات انهم لايريدون الدراسه ولايريدون الحفظ ويتعذرون بالمعلمه ماتعرف تشرح وكذا سبب
والا لو انها تبي تفهم الدرس لتفهمه بس ماعطت نفسها الدافع النفسي انها بكره تبي تصير معلمه والا تفهم الدرس والا انا يالطالب والا يالطالبه كان مع المعلمه بالدرس مابخليه يفوتني الا وسال كيف جيت النتجيه كذا وكيف طلع كذا يااستاذ اويااستاذه ماهو يفوت السنه اليما تجي الامتحانات وكله من المعلم والمعلمه

ام الحب والتفاهم والاحترام وتبادل الآراء والتجديد والعطـف فانا لا اراه في المدرسين والمدرسات الجدد بعضهم طبعا
اعارضك بانه مع القداما يمكن التفاهم والطالب كالمعلم يسولف معاه حتى بالشارع برا ولكن داخل المدرسه معلم وان الجدد لايهمهم الا المظهر من معلمين ومعلمات كم نسمع من الاخبار حتى فيه الخبر الي قريته هينا بالمنتدى معلم يطالب الطلاب ويسبهم ويتفاخر باسمه ونسبه ويقوم بضربهم هذا مشكلة معلمينا الجدد


هذا وجهت نظـري

مشكوره على الموضوع الرائع اختي شذى

ارق التحايا
روقيـ قرمـ

[شذى العصمه]

أخوي ناصر بن سعدي


أسعد الله أيامك ..

فرحت بمرورك العاطر وتشرفت به..


كلامك صحيح .. أنا حبيت أركز على المعلمات اللي ماعاد فيهم حيل

للشرح .. وماركزت على المناهج لأني لو بتكلم عنها ماخلصت فعلا صدقت يوم قلت ( أغلبها من غير فائده) ..

وأضيف لذلك أنها مناهج مزدحمه بمعلومات غير مهمه ..وأسلوب عرض محتواها مـــمـــل وغير شائق يبعث في نفوس الطلاب الأحباط .

غير ذلك لايهمها أبدا تنمية الابداع لدى الطالب بل تركز على الحفظ والاستذكار والاكتفاء بالموضوعات المحددة ..


(لكن وين اللي يهتم بها الجانب اذا المبدعين مالقوا أحد يكرمهم بنلقى أحد يهتم بالطلاب العاديين ويكتشف ماعندهم ..؟؟)



ألف شكر على مـــرورك ..دمـــــ بود ــــت

[شذى العصمه]

أخوي روقي قرم


تشرفت بمرورك والله لايهينك ..


أسمحلي أعقب على كلامك .. لو كانت مناهج أول أحسن زي ماتقول كان
صار حالنا أحسن بعد ..

صح انهم يحفظون يمكن أكثر من ميتين لكن انت قلتها "حفظ" وش فايدة الحفظ ؟؟ اذا كان هدفهم من هالحفظ النجاح فقط ..

أخوي .. ثم قناعة يتفق عليها التربويون في جميع دول العالم المتقدمة الا وهي التجديد وعدم الاقتصار على الحفظ ..اليابان احدى الدول التي اهتمت
بهذا المبدا منذ الستينيات , وهاهي الآن تجني ثمار اهتماهها ..


(لايهمنا الكم وعدد الصفحات .. بل يهم المحتوي وماوصل لعقل الطالب ..)




أنا معك في ان الطالب لو بغى يفهم كان فهم بس الطالب يحتاج للي يفهمه
وينقله الدرس بأسلوب شيق وممتع ..

" طيب وش تفسر عدم نسياننا لبعض المعلمات او المعلمين اللي كانوا قمة في الشرح ؟ "
انا وحدة من اللي عجزت أنسى احدى مدرساتي في المتوسطة .. كانت قمة في الشرح والأسلوب وكنا نتفاعل مع الدرس بشكل غير طبيعي مع ان المادة كانت انجليزي وكنت أكره هالمادة الا أني منها حبيتها .. كذلك في الابتدائي والثانويه..

كل فتره تمر علي مدرسه لا انساها ..واذكر معلوماتها اللي كانت تقولها برا المنهج.. في هذي الحاله نقدر نقول ان المنهج قد يتغير على حسب المعلمه ..واسلوبها..

أخوي مدرساتنا يحبون المنافسه بين الطلاب وينسون أن لكل طالب قدرات تختلف عن الآخر.. يعتمدون أعتماد كبير على التخويف والعقاب البدني .. وهذي الصفه تلقاها دايماً في المدرسات الكبيرات اللي ماعاد لها نفس تشرح .. (حاها حال نفسها وعيالها ويمكن أحفادها ؟؟)

أعارضك وبقوة من ناحية ان المعلمات الجدد مايقدرون يتفاهمون مع الطالب او مابينهم حب او تبادل ارآء بالعكس وش تفسر عشق الاطفال او المراهقات لطالبات الكلية اثنا التطبيق..؟؟


كـــــــــل الشكر لك على المــرور


دمــــــــــــ بود ـــــــــــت

[زهرة العتبان]

::.


::.

جـــــــدات.. عفواً.. معلمات في مدارسنــا ؟؟

ياحلوهن هالجدات كانن ونعم المعلمات


مو معلمات الزمن هذا اعجاب وحركات مالها داعي ..

يعتمدن في التدريس على الطريقة الإلقائية , البعد كل البعد عن التنوع في الدرس كما في (الأساليب الحديثة) , كذلك بعدها التام عن المعلومات الجديدة المتطورة في تخصصها . في مدارسنا معلمات يشجعن على حفظ المعلومات نصاً..

معنى كلامك ان المعلمات الحديثات ممكن يتبعن طرق حديثه ؟؟

انا عن نفسي ما ابي تعليم حديث ابي تعليم

صحيح ومعلمات ذات خلق ودين بس .

وانتي ادرى بوضع المعلمات الحالي وما اعم لكن فرق شاسع ..


انا اللي الاحظ ان المعلمات القديمات تدريسهم

افضل الف مره من معلمات الوقت الحالي اللي همها تتزين

وتستعرض شكلها وكل شي على الام انتي علميها حفظيها ..





زمنا هذا فيها العجائب ..


الله يحفظ بناتنا وبنات المسلمين اجمعين .



مشكوره حبيبتي عالطرح .


تقبلي مروري

::.


::.

[صلوا على محمد]

أنا بقول شي أنا عشته وشفته كانت تدرسني معلمه والله من كبرها تطلع غرفة المعلمات ماعاد تنزل إلا وقت الصرفه حتى الإذاعه ماتحضرها وإذا جاتنا الفصل تجينا تنهج من المشي من الغرفه ظغلى الفصل ولاعاد تكتب فالصبوره والمنهج حافظاه صمممم يعني حتى ماتتعب نفسها وتفتح الكتاب إذا ماكانت لابسه نظااره

تصدين كنت أخاف من شكل بعض المعلمات وربي عجايز

يازين المعلمه لاجت صغيره حتى تقدرين تاخذين وتعطين معها وتفهمك وتعرف كيف تتعامل معك

أشكرك كل الشكر على الموضوع

بس من يسمع؟؟؟؟

[شذى العصمه]

عزيزتي زهرة العتبان ..

تشرفت بمرورك ..

الاعجاب اللي تقولينه حالات نادره ومشكلة تخص الاستاذه نفسها ..

والدين موجود في الكل الحمد لله .. (المعلمة الحديثه والقديمه)

مــوضوعي ملم بجميع النواحي .. لكــن ..

أجابه على سؤالك // نعم معلمات الحديثات يستخدمون الطرق الحديثه

مــن أبسطهـتا الحاسب الالي .. واذا كنت تعرفين أحد من هالمعلمات

القديمات يستخدمه فهذي حاله نادره عزيزتي ..والكثير من الوسائل

الحديثه لايسعني التطرق لهــا ..

الف شكــر على مرورك أختي .. والهدف من موضوعي معرفة آراء

الجميع والاستفادة منها ..



دمــــــــــــ بود ــــــــــــــــت

[شذى العصمه]

أختي العزيزه نوسه ..

صــدقتي في الي قلتيه والله .. المشكله ان المعلمه اذا لبست زين

وتكشخت قالوا ماهمها الا نفسها طيب كيف الطالب يتقبل المعلمه اذا ما

اهتمت في شكلها , صدقيني الشكــل مطلوووووب .. والاخلاق مطلوبه

والوسائل المتنوعه مطلوبه .. والنقاش مطلوووب وتبادل الآراء

مطلوب .. ومعلماتنا للاسف الاغلبيه مايعطون الطالب الفرصه

لابداء ارائهم .. لاهنت


دمتــــــــــ بود ـــــــــــي

[صلوا على محمد]

صحيح كلامك 100%
تدرين ليش الأغلبيه مايعطون الطالب فرصه؟؟

لأنهم مثل ماتشرفتي وقلتي أغلبهم جدااااات رجل فالدنيا ورجل فالقبر نسأل الله حسن الخاتمه