خطة شاعر المليون لإستنزاف القبائل [ توثيق للعبة بالفيديو والصور ] الأمر خطير يالرربع؟؟؟

[المطيري خويك]

بسم الله الرحمن الرحيم



خطة شاعر المليون ( وقحه ) ليه ؟


في الحلقة الثانيه ضحوا بالشاعر خالد العتيبي في وقت مناسب جداً خصوصاً وان قبيلة عتيبه حققت نجاح منقطع النظير في مزاين الابل الذي اقيم مؤخراً وهذا ما يدل على ان هناك ثورة وتلاحم وفزعه قويه للشاعر خالد العتيبي خصوصاً وانه محبوب من قبل عتيبه – باقي القبائل – عشاق ومتابعي الشعر لذلك سوف يجنون مبالغ ماليه كبيره وضخمه ولكن ! ( مو كل مره تسلم الجره ) الغبي الذي فكر بهذا الفكر لم يتوقع بأن حب الجمهور لخالد العتيبي حب عقلاني وليس حب همجي كما هو تفكير اللجنه .

- قبيلة عنزه العزيزة لم تستنزف في التصويت وهذا ما يجعلهم محط اطماع اللجنه في الحلقات القادمه وكمثال بسيط خلف المشعان تم تأهيله برغم ان قصيده لم تكن بذاك القويه التي ترغب فيها لجنة التحيكم لأنه دائماً يرددون ( الأنا متضخمه ) والمشعان كانت متضخمه لديه جداً واعتزازه بقبيلته واضح جداً وهذا من حقه ومن حق قبيلته ولكن هو تناقض من قبل اللجنه لأنها تعرف ان المشعان سوف يكون كبش فداء للتصويت في مرحلة 24 شاعر .

- ايضاً هناك قبائل كثيره سوف تستنزف مثلاً ( قبيلة بني سفيان بالحجاز ) قبيلة ( وايله ) بالجنوب ( قبيلة حرب ) قبيلة ( الرشايده ) قبيلة ( الخوالد ) قبيلة ( العوازم ) وايضاً قبيلة ( مطير ) وهذه القبائل لم تستنزف الى الآن والدور عليهم , هل سوف تنجرف هذه القبائل وراء التصويت ويحقق الثراء الفاحش لنشوى وشلتها على حساب جيوب ابناء القبائل .

- في الحلقه الاولى في لحظة اختيار الشاعر عبدالرحمن للشعراء المشاركين وقبل ان يتسلم المذيع الورقة من يد الشاعر عبدالرحمن الشمري ذكر اسم الشاعر المشارك وهو لم يقرأ الورقة الى الآن !!! فهل المذيع يعلم الغيب ؟ هل هو ساحر ؟ هل هي صدفه ؟ هل هي غلطه من عبدالرحمن الشمري ؟!! ماهي اجل ؟؟؟ غش وتلاعب ؟؟؟ لالا مستحيل نشوى الرويني ما تحب الغش واخذ فلوس التصويت من عيال خلق الله صح!؟ D11


- التالي صور وفيديو يؤكدون كلامي



,,



الصورة التالية توضح بداية اختيار الشعراء عن طريق ( القرعة المزعومة ) من الشمري
ولاحظوا أنه أخذ ورقة وحدة فقط




أعلن المذيع حسين العامري إسم بدر بن خرفاش ليكون أول المشاركين من الثمانية



,,



الشمري رجع للصندوق عشان ياخذ الاسم الثاني الا سبقه المذيع حسين العامري
من وراه وذكر الإسم الثاني !!!!!! .. اللي هو بدر الظاهري !!!!!!



لاحظوا دارين التفتت للمذيع حسين وهي متفاجأة من ذكره للإسم يعني يرحم والديك
تراك فضحتنا D11 ..

[img][/img]

دارين التفت لهادي المنصوري وحاولت تصرف السالفة وترقعها وقالت شكل الشمري ساحب ورقتين مع أننا شايفين قبل شوي انه سحب ورقة وحدة بس !! .. وهادي المنصوري أعماها وقال يله يالشمري اسحب الشاعر الثاني !! تبي ترقعها ياهادي قل اسحب يالشمري الورقة الثالثة مب تقول اسحب الورقة الثانية لأن مذيعكم حسين العامري ذكر اسم بدر السبيعي ثم ذكر بدر الظاهري واللي بيسحبه الشمري هو المتسابق الثالث .. للأسف حاولت دارين ترقع الموضوع رجع ثانية هادي وقربعها D11



أرتبش الشمري وقعد يكلم دارين عن اللي صار



هالصور ماتحتاج لأي تعليق .. المساطيل طول عمره محايد .. لما نشوف الصح نقول هذا صح .. لما نشوف الغلط نقول هذا غلط .. لا حنا نرجي وجاهة من فلان أو علان عشان نطبل له ولاحنا محسوبين لطرف ضد طرف .. حنا منبر إعلامي يحتمل كل الآراء وكل التوجهات مع أو ضد شاعر المليون ..

يالربع يوجد مقطع فيديو للفضيحه


لكن بحكم وجود المذيعه المتبرجه واللي ماني بقايل

لا أستطيع أن أضعها

عموماً الصور وضحة كل شي .. والله لم أضع الموضوع هنا الا تنــبيــهاً لما يجري من لعب بالعقول وأستخفاف..

وكلها على حساب مصريه في أبو ظبي قدرت ان تلعب على القبايل ((سبحان الله ))

رجاءً نشر الموضوع في المنتديات وأنا مجرد ناقل مع تمسيح صور الحرمه


وشكراً
...........
وأعجبني هذا الرد الرائع

لالالا

خل الناس تصوت ..لالالا

مايبون يفهمون أن البرنامج تلاعب بعقول ال****************

ههههه

لاحول ولاقوة الا بالله


..

أحمدوا الله وأشكروه..هااه عانهم أنكشفو على الحقيقه المررررررررررررره

أمام شاشات العالم...

واللي يبي يصوت ..خله ينلعب علااه .خله خله (يفزع لولد عمه ) هههه..!!!

لكل داءٍ دواء يستطب به=الا الحماقة أعية من يداويها
..

[ناصر بن سعدي]

لاهنت


,,

والتلاعب منذ مبطي ,,

ودمت بخيـــر ,,

[الأمير@@]

أما مدري ليش أنت متحامل على شاعر المليون

أي برنامج جماهيري راح يحتاج دعم

وبعدين لاتريد أن تصوت محد ضاربك ومستغلك

والأنسان اللي يصوت مهوب دلخ زي ماتفضلت

كلن يبي شاعره يتأهل والشاعر الي يراه الأفضل

عنده فرصه هو أنه يطلعه

أما قضيه الفضيحه لشاعر المليون ماهيب فضيحه

ربما كان غلطه وكان الشمر بالفعل ساحب ورقتين

وقال هادي الثنتين وراء بعض هذه غلطه وجل مالا يخطئ

أما انه يكون كلهم هادي المنصوري ..وعبد الرحمن الشمري..

ودارين خليفه ..وحسين العامري يتلاعبون بالناس

ماأعتقد وعلى فرض راح يكون واحد أثنين موب كلهم ياأخي

نصابين ودجالين

وعلى العموم رضى الناس غاية لاتدرك

وتحياتي

[المطيري خويك]

لاهنتم على المرور

ياخوي الأمير

مقطع الفيديو يوظح ذالك


وانا حاط الموضوع للي يبي يفهم..ولي مايبي بكيفـــــــــــــــه!!

واخر البرنامج يقوول(ياليتني ماصوت )

وشكراً

[كان موجود]

[align=center]بيض الله وجهك على النقل والتوضيح ,,
شكرا لك لك والتلاعب مثل ماقال ناصر موجود من زمان وكلنا ندري ,,
لكن من تعلم التصويت صاير صاير والفايده لنشوى ,,
شكرا لك يا مطيري والله لا يهينك على الموضوع الجميل ,, [/align]

[المطيري خويك]

هلا خوي النمر


لا اللي يخاف الله ماهو مصوت خصوصاً بعد ظهور الفتوى لتحريمه


تحياتي لك

وليد النمر

[البارق]

حقيقة قديمه للاسف ونحن متابعون للمهازل

[المطيري خويك]

صدقت وبيض الله وجهك