لو الغلا بالوزن يافزعة الله ...................

[ناصر الحربي]

مساء الخير على الجميع

من نعم الله على البشر ان الحب احساس وعاطفه .. ولا لو الحب بالوزن كان كارثه ..

ارجو ان تنال القيل من القبول

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
لو الغلا بالوزن يافزعة الله=حرام بعض الناس ماعاد يمشون
والعاشق اللي قبل ماحداً فطن له=بيصيح بأعلى الصوت يالربع تكفون
مسكين مايقدر يغادر محله=والخلق قدامه على الهون يمشون
بالذات كانه شايل الحمل كله=وحبيب قلبه ماخذ العشق بالهون
والله ان يبطي يرتجي شوف خله=يمر عنده ضمن ناسً يمرون
وحتى لو انه مايبي شي لله=بيصيح يبغى ناس عّنه يشيلون
واللي يبا يفزع بينشب بعله=العشق كيف يشال بالله وشلون
ياهل القلوب العشق ماهو بفله=الا إذا وزن المحبه بقانون
يعني يصير الحمل كلن يشله=مقسوم بين اثنين والشيل مضمون
واذا حصل بين المحبين زله=ماينقصون الوزن والا يزيدون
كذا يصير العشق نجمه مٌطله=ولا ترقد عيونً ولا تسهر عيون
افكار جتني يابشر مسفهله=افكار شاعر لاتقولون مجنون [/poem]

[البارع]

ناصر الحررررررربي.....صح لسانك لين ترضى

ابداع مع روعه.....الله لا يهينك ....تقبل مروري

[عبدالله المرشدي]

[align=center]فارس المفرده


يافزعة الله صدق

لو بالوزن صدق كان شفت عجايب

ناس ماتقدر تحرك وناس خف الريشه

قصيده وافيه جزله من جزل


ابدااااااااااااااااااااااااع منقطع النظير


تحيتي لك [/align]

[ولــ منجوم ـــد]

[align=center]اخوي ناصرالحربي

ابدااااع

لايضاااااااااهى

تسلم على ماقدمت يااافتى حرب

انشهد ان الابدااااع له نااااسه

لاعدمتك[/align]

[مسفر الجعيد]

[align=center]

ناصر الحربي

صح السانك عدد بلا مدد

نص رااااقي ورائع والاروع شاعره

صح قلبك وفكرك


تحيااااتي




[/align]

[ابن مسلم]

يافزعة الله

ياناصر انت وافكارك الجهنميه

لاكن اقول

صح لسانك

والله لايخلينا منك انت وافكارك

لك مني كل الشكر بعد شكر الله

[ذيب الينوفي]

افكار جتني يابشر مسفهله
افكار شاعر لاتقولون مجنون

يقولون الفرق بين الحكمه والجنون شعره

وانا اقول الفرق بين الشاعر والمجنون شعره

صح لسانك لولا هذا الخيال ما عانقنا هذه اللوحه الشعريه النادره

[إبن ثعلي]

صح السانك يافارس المفرده ولاهنت قصيدة لايعلى عليها
تحياتي لك

[ناصر بن سعدي]

شاعرنا القدير ,,

ناصر الحربي ,,

فارس المفرده ومهندس الحرف ,, ودكتور الإبداع ..


وفيلسوف الشعر ,,

نعطش لـ جديدك ونجوع لـ إبداعك ,,



لله درك ,,


وتقبل إعجابي ,,بما تكتب ,,

[نادر النمر]

المشاركة الأصلية كتبت بواسطة ناصر الحربي مساء الخير على الجميع من نعم الله على البشر ان الحب احساس وعاطفه .. ولا لو الحب بالوزن كان كارثه .. ارجو ان تنال القيل من القبول [poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"] لو الغلا بالوزن يافزعة الله=حرام بعض الناس ماعاد يمشون والعاشق اللي قبل ماحداً فطن له=بيصيح بأعلى الصوت يالربع تكفون مسكين مايقدر يغادر محله=والخلق قدامه على الهون يمشون بالذات كانه شايل الحمل كله=وحبيب قلبه ماخذ العشق بالهون والله ان يبطي يرتجي شوف خله=يمر عنده ضمن ناسً يمرون وحتى لو انه مايبي شي لله=بيصيح يبغى ناس عّنه يشيلون واللي يبا يفزع بينشب بعله=العشق كيف يشال بالله وشلون ياهل القلوب العشق ماهو بفله=الا إذا وزن المحبه بقانون يعني يصير الحمل كلن يشله=مقسوم بين اثنين والشيل مضمون واذا حصل بين المحبين زله=ماينقصون الوزن والا يزيدون كذا يصير العشق نجمه مٌطله=ولا ترقد عيونً ولا تسهر عيون افكار جتني يابشر مسفهله=افكار شاعر لاتقولون مجنون [/poem]

ياسلاااااااااااااااااااااااااااااااااااااااااااااا اااااام سلم ..,,,

ياحلوووووو الافكاااااار اللي مثل كذا بس :)

عزااااااالله ياناصر لو هي بالوزن مشكله .. :)

صح الساااااااانك مليوووووون ولا يكفوووووووون ..,,

كل التقدير يالغالي ..,,