C)(c للشعــــــــــر# وقفــــــــــات C)(c

[ota]

لايخدعك وهج الطموح .. طريقنا مظلم طويل .. مثل القمر وجهه قريب ، لكن صعيب انلامسه
نزرع مواسم من أمل وتحصد مناجي المستحيل .. والبيدر الحلم الجميل اللي يبوقه حارسه

[ota]

قسم بالله ماشفت بحياتي مثلها اهداب..!!
...عليها عين..؟!! من تغمز اجي وابروحي افديها



صنعت امن الغلا قلبي لها ستر وغطا وحجاب
......... ابي قلبي عن العالم يغطيها ويحمـــــيها



انا مجنون من قبل الغرام وقبل لا انصاب
........ ثقيل وعاقل اجنوني قبل معشق مواريها

[ota]

تخـير في طــريق الـوصـل والا درب هجـــراني

حـرام الوصـل مايجمع قـلوبٍ عـن هـواها بعـاد

وبعـض البعــد لـو عــــذب يجمـع بين خـــلاني

تحـسب ان الهوى ضحكة دقايق عشتها فميعاد

الى مارحـت تـنساها وتـنسى الوعـد وتـنساني

الا ياصاحـبي الرفـقة تـرى ماهى ثـياب إجـــداد

تـبـدلها مـتى ملـيـت وتلبـس غـيــــرها ثــــاني

الى ضـاع الـوفـا مـابه هـوى بارجـيه انا ووداد

ترى ذا الفـرق بين اقـرب قـريب وبين عـدواني

تحاكيني بطـرف لسان وهرجي من صميم فـواد

[ota]

جيتي من النسيان ...
ومن كل الزمان ...
اللي مَضَى ... واللي تغٌير ...
صوتك يناديني تذكٌر ...
ناديتي ... خانتني السنين ... اللي مَضت راحت
ناديت ... ماكن السنين ... اللي مضت راحت
كنا افترقنا البارحة ...
البارحة .... صارت عمر ...

[ota]

من شافني يقول هذا به اجنان
من كثر ما اضحك من الهم وابكي
غديت أنا عبد ولي الهم سلطان
اضحك واصيح ويمنع القلب لا اشكي
وامشي بطوع الهم لو كنت غلطاني
ومه تمكن بي بعد طول صبري
عزي لمن مثلي من الناس تعبان
وده يقول ولا قوى اليوم يحكي
وشلون ابحكي دام بالناس شيطان
واذا حكيت اخاف بالسد يدري
ودنياك هذي كل واحد له لسان
والعاقل اللي عن همومه يخفي

[ota]

عـذبـيني بـكل شـيء سـوى
الـصدّ فمـا ذقـت كالـصـدود عـذابـا.

[ota]

نومك طرب وانا بنومي هواجيس مـا ساهرك بالليل كثر الهومي

أسهر اليا نامت عيون الهداريس بالليل اساهر ساريات النجومي

أونس بقلبي مثل صلـي المحاميس الله يلـوم اللـي لحالي يلومي

قالوا جهلت وقلت جهلٍ بلا قيس الجاهل اللي ما يعرف اليمومي

أشوف عدلات الليالي معابـيس ولا احدٍ من الدنيا عظامه سلوم ِ

البني ما يصلح على غير تأسيـس ومـن لا تعلّم مـا تسر العلومِ

ولا خير في كثر الحكي والتماليس وقـولٍ بلا فعـلٍ يـجيبه وهومِ

واليا ركبت معالجات المضاريـس يـبدا على كبدي لهيب السمـومِ

بالليل أصالي حاميـات المحاميس والصبح أصالـي كل قبّا وكومي

واقفن بـنا مثـل النعام المماريس ليا خـف عجلٍ مع رفيع الحزومِ

نستلحق اللي يطلبون النواميـس اللي مـع الاقصين وادنـا اللحوم ِ

ولومي على اللي ينقلون العبابـيس صنع الفرنج وكـل رامي لحـوم ِ

وشلف ٍ تركّب بالرماح المناسـيس وسلت المهار وكل قـبّا قحومي

والعز فـوق معسكرات السواديس اليا قصـدت اللي بالاشيا رحوم ِ

قب ٍ تـنازا بالنشامـا كراديـس والطيـر فـي روجاتهنـّه يحوم ِ

إن جـن بالميدان مثـل الدواويس وتعـاقبـوا من فوقهـن السهوم ِ

عـرج باهلهـن كنهنّ القرانيس علـى الطريح مصوبـرات ٍ كظوم ِ

حتـى يزيـن لنا المثل والتوانيس والكيف طاب لمن يفـكّ القحوم ِ

ومن لا يقلّط شذرة السيف والكيس يصبـح عليه مـن الليالي ثلـوم ِ

ومن لا خذا الدنيا بـميز ٍ وتقييس مثـل الذي يسبـح بـبحر ٍ يعوم ِ

كـلّ القلم مـن كتبنا بالقراطيس والخـيل مـن كثـر الدلاليج تومي

وشيـخ ٍ لنا يعطـى الفقارا المفاليس عسـاه بالـدنـيا بعـز ٍ يـدوم ِ

حـر ٍ ليا دبّـت عليـه النواميـس اليا اعتـرض جـول الحباري صروم ِ

اليا اكترب من بعض الاشيا سبابيس أعــزم ولا بـد الفـرج للعـزوم ِ

ثـوب الفرح لبسك نظيف الملابيس إن قـيـل بايـام الكرب والـزحوم ِ

واعمـل وتلقا وافهم العلـم بالقيس ودنـياك لـو زانـت تراهـا نقـوم ِ

تضحك وتـخفي لك خفي الهناديس تـفطـر لنا يـوم ٍ ويـوم ٍ تصـوم ِ

أربـع سنيـن ودمع عينـي أماريس العيـن تسهـر كـن فيهـا هـزوم ِ

يـجلي صدا قلبـي ضبيح المهاريس ليا جـاك شـرّاب الحشايـش يعـوم ِ

ودلال فـوق النار دايـم مـحابيس إكـرامهـن حـق ٍ عليـنـا لـزوم ِ

مـن صنعة الصبّـة وخمس ٍ تخاميس وبـريّـة ٍ تعمـل بـهن كـل يـوم ِ

وابـهارهـا عشـر ٍ بلـيـا دنافيس كيـف ٍ يعـدّا للنـشـامـا القروم ِ

عـدّه لحمـّاي الجـيـاد المراويـس والا الحصان اللـي بـقيـنه وهـوم ِ

وصلـوا علـى سيـد البـرية بتدريس صفـوة قريـش اللـي مشى باليموم ِ

عـدّ النبـات وعـّد ذاري الطعاميس واعـداد مـا يـمطر سحاب الغيـوم ِ

[ota]

يابنت ياللي عمرها صدر وردوف
بيض محاجرها وحلو نباها
ودي بشوفك مير يوم اقصر الشوف
عيني بعد هاك الرمد قل ماها
سويت لي يابنت بالعين معروف
بأسباب رجل بعدتها خطاها
والا ترى قلبي ليا اصطك بالجوف
اومى بحالي لين تابس عصاها
( لاتجربونه)

[بنت* عتيبة]

[poem=font="Arial,4,black,bold,normal" bkcolor="coral" bkimage="" border="double,9,burlywood" type=2 line=0 align=left use=ex num="0,black"]

أكــــذب عليـــك ان قلتلـــك مـــا تغيـــرت
واكــــذب عليـــك ان قلتلـــك مـــا نسيتــــــك


تبــــدل اللــي في خفـــوقــي وتحـــررت
بعــتــك وانا من قبــل صـــدك شــريتــك


انا مــع الايـــام طحـــت وتعثـــرت
احتجتــلــك من ضيقتــي مــا لقيتـــك


قصــر زمــانــي بــالوفــا وانت قصـــرت
ضحيـــت من عمـــرى وصنــت وفيــتك


مــــــادمـت في وصلــك عليــا تكــاثـرت
أرخــص حيــاتي ان كــان في يــوم جيـــتك


يــا نــاكــر المعـــروف تــوك تــذكــرت
خــــــلاص مـــا يمـــديــك شفنــي جفيـــتك


واليـــوم حــددت النهــــايــة وقــــررت
لاعـــــاد يـــــوم بــه عشقــت وبغيتـــك


لـــــو يـــرجــع اللــي فـــات ومنــي تعــذرت
مــــا تلحــق اللــي في حيـــاتي عطيـتــــك[/poem]

[ota]

سيدي قم...


ما خبرت اللي يحب يشتهي النوم
سيدي قم...
لاتنام وفي السماء باقي نجوم
يا جريح البارحه
كيف طبت اليوم
سيدي .. يا سيدي قم


سيدي ...الليل للعاشق نهار
قم معي ... نجمع نجوم الظلام
سيدي ... لو عرفت الانتظار
ما غفا لك جفن .. .يا عذب الكلام
اه لو تدري الهوى والسهر مقسوم
يا جريح البارحه
كيف طبت اليوم
سيدي .. يا سيدي قم


سيدي ... لا تناظرني بغضب
ودي تحس مثلي بالغرام
سيدي ... ما وراك الاالتعب
ليت عيني مثل عينك تنام
اه لو تدري الهوى والسهر مقسوم
ويا جريح البارحة كيف طبت اليوم
سيدي .... يا سيدي قم
__________________