لبس الحشـــيـمه؟؟؟؟؟؟؟؟؟؟؟؟؟؟؟؟؟

[الذويبي العتيبي]

[align=center]طبيت السوق وكان لي غرض ابي اقضيه
وتعبت وجلست عند احد البوفيات ورى هاك
الرجال لحيته الى الصره وبجانبه بنت
عمرها فوق ثلتعش سنه عليها فنيله علاقي
وباقي الجسم ماعليه ستر وكانوا بجواري
شباب يضحكون ويتغامزون بعلم ما اوحيته
ولكن ؟؟ فنظمت هالبيتين ولعلني اصيب
ما ارمو اليه من هدف واعذروني من الزلل

لبس الحشيمه
[poem=font="Simplified Arabic,6,darkblue,normal,normal" bkcolor="transparent" bkimage="" border="double,10,deeppink" type=2 line=0 align=center use=ex num="0,black"]
يالمطوع لاتظريها على لبس العواري=خلها تنشى على لبس الكرامه والحشيمه
ربّها واحرص عليها مثل من ربّا الشجاري=مثل من ربا الشجاري والستر ربي يديمه
من يربي بالفضيله يجتني زين الثماري=يكسب الطاعه لربه واجتنب درب الظليمه
الغصن لا كان يانع صار سهل الانكساري=والخطر لاروح الغصن الخضر في حلق ريمه
شفت انا الشوفه وشــا فوا ناس غاري=ومن ضحك منهم عسى الله لايضيمه
التفت الْهمْ ونا زعلان من هـذ الغياري=اصبح الرجال يمشي جنبها مثل البهيمه
الزمان اقشروقشرنا وجانا حرب ضاري=اقتبسنا الفن الاعوج منك يا بث الجريمه
وانصح اللي لو نظرله عيب لايجلس يثاري=لاهيا له يوم يِضْحك به ويوقع فالهشيمه
واختلال الوقت اشوفه صار حتى فالنغاري=ساهره بالليل الاظلم عاشق يطرب نديمه
يالله اني طالبك عفوك وتكفينا الخطاري=واصلح اقلوب البشر والسر من غيرك عليمه[/poem][/align]

[عبدالله المرشدي]

1



1



1



ملكي

[عبدالرحمن الحمد]

ايه بالله ملكي ونص

صح لسانك ولد عمي وتستاهل كل خير

تقبل مني خالص الشكر والتقدير

مع التحيه

[ناصر الحربي]

الذويبي

صح لساااانك صح لساااانك

نص رائع المعنى والمضمون

انت شاعر مبدع بكل حالاتك

ويعلم الله ان بعض القصايد نقراها ونطلع منها مالنا نفس نرد

لكن بعض القصايد وقصايدك منها من الظلم انا مانرد ونقول لشاعرها بيض الله وجهك

تقبل مروي وكل التقدير

[فلان الفلاني]

[align=center]



الذويبي العتيبي
شاعراً مبدع دايماً
شاعراً يسحتق الوقوف له احتراماً
شاعراُ عرفته في شبكة عتيبه ومتابع
له وبكل أمانة شاعراُ قارد على تحريض
وترويض القافيه مثل ما يريد ومتى ما يشاء
موضوع القصيدة
موضوع جميل وفعلاً تلك الحالات موجوده في مجتمعنا
وكل أعتقاد هولاء أن تلك الملابس تطور وحضاره
وهي تقليد لغرب وفعلاً الغرب قدروا على غزونا حتى في ملابسنا
الله المستعاااااااااان ...



لن انسى هذا الاسم وسوف اتابعه بقـــوه لان
ماخطه صاحب هذا الاسم لا يدل الا على الجمال
وعلىالتالق وتوظيف الكلمات المناسبه في المكان المناسب .
الذويبي .... دعني مع بعض ابيات هذا النص الذي
أعجبني كاملا ومن غير مجامله

التفت الْهمْ ونا زعـلان مـن هـذ الغيـاري
اصبح الرجال يمشي جنبهـا مثـل البهيمـه
الزمان اقشروقشرنا وجانا حـرب ضـاري
اقتبسنا الفن الاعوج منك يـا بـث الجريمـه


صح لسانك مليون ولا تكفي ..

تقبل خالص تحياتي [/align]

[إشراقات]

المطوع بشر مو معصوم وكلنا محاسبين مو هو لحاله ..


وبيض الله وجهــك على القصيده ..

[مشاعر حالمه]

الذويبي العتيبي

ماشاء الله عليك

ابداع وابيات رااااائعه والله

صح السانك من اول بيت الى آخر بيت درر والله درر

وحفظ الله بنات المسلمين وأصلح أباءهم المفّهين :)

تحيتي لك / مشاعر حالمه

[الذويبي العتيبي]

المشاركة الأصلية كتبت بواسطة عبدالله المرشدي 1 1 1 ملكي

اتشرف بهذا الحجز وحياك الله اخوي عبدالله في

اي وقت يعجبك 0 ولعلها نالت استحسانك

تقبل الشكر والتقدير

[الذويبي العتيبي]

المشاركة الأصلية كتبت بواسطة عبدالرحمن الحمد ايه بالله ملكي ونص صح لسانك ولد عمي وتستاهل كل خير تقبل مني خالص الشكر والتقدير مع التحيه

ياهلا وغلا حياك الله يا ابن العم

يشرفني تواحدك وصح بدنك

يالغالي لك التقدير والاحترام

[الذويبي العتيبي]

المشاركة الأصلية كتبت بواسطة ناصر الحربي الذويبي صح لساااانك صح لساااانك نص رائع المعنى والمضمون انت شاعر مبدع بكل حالاتك ويعلم الله ان بعض القصايد نقراها ونطلع منها مالنا نفس نرد لكن بعض القصايد وقصايدك منها من الظلم انا مانرد ونقول لشاعرها بيض الله وجهك تقبل مروي وكل التقدير

صح بدنك اخوي ناصر

تسلم تسلم على ذوقك واخلاقك العاليه

وطيب نفسك 0

ومما يسعدني ويشرفني تواجدك وتواجد شرواك

لانكم اعلام مشهوره وفخر لي ان اقف بظلها

واسير بنور كلماتها على الطريق السليم

لاعدمتك وبيض الله وجهك يالغالي

ولك التحيه والتقدير