وصايف!!!

[عتيبي فسقااان]

حبيت يكون اول مشاراكاتي معكم بقصيده غزليه كتبتها
بعنواان (وصايف)


[frame="10 80"]انتي شعاع الشمس وانتي سناها
وانتي كما الدانه على عقد الالماس
وانتي كما بدر(ن) ضوى في سماها
مثل القمر يضوي بنوره على الناس
وانتي هنوف الريم قايد اضباها
قايد خشوف الريم في وسط الاطعاس
وان جيت اوصفها وراضي هواها
مايوصفها حبر(ن) كتبته بقرطاس
الموت في عينه وبسمة شفاها
جمالها مثل البحر ماله قياس
الله واكبر ياجمال(ن) كساها
من مقدم ابهامه الى هامة الراس
ياعود موز(ن) غارس(ن) وسط ماها
يهزها الغربي ليا هب نسناس
الله وهبها من الجمال وعطاها
زود حلااها لين غطة على الناس[/frame]وسـلامتـــــكمــــ
اتمنى ان مشاركتي تنال على اعجابكم وهاذي اول مره ادش منتدى واشارك بقصايدي المتواضعه.

[ابن مسلم]

حياك الله ياعتيبي

وصح لسانك

قصيدة جيده
و
نأمل ان يكون القادم اجمل

تقبل تقديري

[عبدالرحمن الحمد]

حياك الله يا العتيبي

صح لسانك على العزوفه الرائعه

مع التحيه

[عبدالله المرشدي]

صح لسانك

وعلى شانك

رائعه

وياهلابك

وننتظر ابداعك

تقديري

[عتيبي فسقااان]

ابن مسلم

عبدالرحمن الحمد

عبدالله المرشدي


صحته ابدااانكم ولاخلا ولاعدم
وان شاء الله القصاايد الجاايه اجمل

[مشاعر حالمه]

عتيبي فسقان

صح السانك يالقرم ولاهنت

تحيتي لك / مشاعرحالمه