راشد السحيمي ..و.. سلطان الهاجري

[ولـ حرب ــد]

راشد السحيمي

الليلـه الملعبـه بالخيـر محفوفـه00والناس كلن بنفسـه شايـف شوفـه
لكن الاهـداف منظـوره ومعروفـه00تبي الصراحه حقوق الطبع محفوظـه

السماء صافيه مير المصابيـح ويـن00يالعـل السمـاء تطلـع مصابيحهـا
صار سلطان مثـل معايـد القريتيـن00عنـده قفـول ومضيـع مفاتيحـهـا
سلطان الهاجري
ياحرب صياف لـه عاميـن متقاعـد00والطايـره تنتظـر طايـر ومساعـد
الله يعينـك تمثـل حـرب يـاراشـد00تبي الحقيقه حقوق الطبـع محفوظـه

السماءصافيه والهرش جـر الحنيـن00والنشامـى توميـلـه مسابيحـهـا
انتهـت فتـرة الاشـواط والركلتيـن00وانت حظك علـى ركـلات ترجيحهـا
راشد السحيمي
إن غاب صيـاف مانتـرك مواقفنـا00اللـي تشرفبنـا وهــي تشرفـنـا
الانـس والجـن ياسلطـان تعرفنـا00تبي الحقيقه حقوق الطبـع محفوظـه

باقة الورد جايبهـا المسافـر منيـن00وش تبى بالورود اليا اختلف ريحهـا
انت يمناك محفوفه بسمـن وسميـن00الله انـه يسامـح حـرب ويبيحـهـا

سـلـطــان
والنعم في موقفـك والموقـف الاول00اللي يهـول عقـول النـاس ويهـول
في راس قمت جبل ماهـو بمتحـول00تبي الحقيقه حقوق الطبـع محفوظـه

جاتكم من يسار وجاتكم مـن يميـن00الصقاقيـر تومـي فـي ملاويحهـا
الله انـه يعـز المسلميـن اجمعيـن00والليالـي متـى تبـرى مجاريحهـا

راشد السحيمي
يالهاجري من زمـان ادور الفرصـه00كلن من اصحابنا ينفخ علـى قرصـه
من عقب برج التجارةغليت البورصه0تبي الحقيقةحقوق الطبـع محفوظـه

راحت العنصريـه روحـت الاوليـن00واضحـه ماطلبنـا منـك توضيحهـا
الله انـه يهـدي سـركـم الدفـيـن00فيـه حاجـات مختلفـه ملاميحهـا

سـلـطــان
والنعم ياصاحبي وافـي ولـد وافـي00والليلـه الليـل ميقافـك وميقـافـي
الله يعـزك ويشفـي عـوق صيافـي00تبي الحقيقهحقوق الطبـع محفوظـه

مير ماتصلح الحجـه بـدون القريـن00صلحوهـا ولـو ياصعـب تصليحهـا
انت مثل الاسد واخوك مثـل العريـن00خلنـا نجمـع الاسـرار ونبيحـهـا

راشد السحيمي
مشكور يالهاجـري ياطيـب السيـرة00وابشرك لاجلس صياف جـاء غيـره
واللي يحاول يساعدنـا كثـر خيـره00تبي الصراحه حقوق الطبع محفوظـه

انشد اهل النجف وين الحسن والحسين00قول ياويـح اهـل بغـداد ياويحهـا
انت وقت مضـى ماتنظـر الا بعيـن00تطلـب النـاس وتجـدد تصاريحهـا