محاورة بين المسعودي ومستور العصيمي:
المسعودي :
آتهرج ولاني بليا عرف اعرف الحق ليه وماهو علي
دام مستور موجود بين الرجال بيني وبينه علوم .. اباقولها
فيه مستور غيرك يامستور قف بالله استر على كل مستور حي
كنت ساكت وذلحين كثرت الجدال واللي تقوله القوم .. اباقولها
العصيمي :
اخذ حقك من الحق ولك الشرف لايروح لك عند الطماميع شي
وان تبا الزود ماهو على كل حال كل ماقعد واقوم .. اباقولها
اعرف العلم والعارفه من عرف هابط السوق وصل البلد من عشي
يامدور مكاسب بلا راس مال لك نهار امس واليوم ....
المسعودي :
خل رجلك على الدرب لاتنحرف لن تعدلت ولا ترى مانت ابي
مد يمناك واكتب بيدك الشمال مد يسرى الفتى لوم
مالنا بالرديه مع الناس شف وان نوانا على الطيبه ياصبي
ماحدتنا عن الما طوال الجبال ننزل البحر ونعوم
مستور :
ماختلف غير مع واحد مختلف وانطح النار بالنار ويحق لي
وانت مرخي عمامتك تحت العقال هكذا دايم الدوم
ليه في ظرف يومين دمك نشف ياشفاعة محمد وقوة على
مانت لاحق مدى للدروب الطوال دوب قايم من النوم
المسعودي :
يوم سموك جاحد متى تعترف وش يكون العتيبي مع الهذلي
خمس حبات بارد بواحد ريال لامكاسر ولا سوم
كل مكره على روس اهلها تلف روح لهلك وانا رايح اعرف هلي
شايف الذيب مشتال روس الخيال شايل الراس مقسوم
مستور :
انت لك قصد وانا ليه هدف اعرف الشافعي واعرف الحنبلي
ماتوردك للما قصار الحبال بات ضميان محروم
اسمع الامر ياهذلي وانصرف تسمع اخبار صاحبك فيما يلي
يامدرب تدرب نهار القتال وانت بالامر ملزوم ... اباقولها
| 
|
04-26-2007, 12:32 PM
المواضيع المتشابهه
العرض العادي
