مفتاحها زرٍ بالاصبع تــغــــزه

[عبدالله المرشدي]

آمل ان تنال رضاكم
ملاحظه لو حة الفياقرا (200 م ز هـ ) اللي يشوفه يبلغني لاهنتوا
[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله على اللي لا لمسته ينوزي=عجلٍ مع الممشى سريعٍ مفزه
افياقرا عقب الشبح والبنوزي=جابه وكيله بالوكاله يرزه
مضمون في كل المعارض يفوزي=عند العرب والفرس واطراف غزه
مرغوب لك في كل حاله يجوزي=ريّح مع السكه وبالشكل رزه
بدي انسيابي مايجي به بروزي=واللي على اللوحات ميتين مزه
في داخله شاشه عليها رموزي=مفتاحها زرٍ بالاصبع تغزه
اليا اشتغل كنه بليا قزوزي=مافيه لاحنه ولافيه هزه
ايسابق اللي في سماها تهوزي=واللي معه في سكته ماتلزه
ماوقفوا راعيه وسط الحجوزي=رادارهم من سرعته مايقزه
معه النقط وافرادها وماتعوزي=اطيبهم اللي يوم قفى يخزه
راعيه مستانس ولا مد بوزي=ماحس في صدره همومٍ تحزه
ودي عليه ازور منهو يحوزي=على الغلا والود واصدق معزه
اللي عن انواع الترف مايجوزي=يحيى حياة العز في كل حزه
اللي بقلبي له مكان محجوزي =محدٍ يجي حوله ومحدٍ يهزه
انا اشهد اني من هواه مهزوزي=وشيطان حبه طيش شعري يوزه
لو زاد صده يوم تضرب فيوزي=ماقدر على فرقاه لاني اعزه
اباصله لو كان دونه عزوزي= ومن شان عينه ماعترض لي بجزه
على الذي لامن لمسته ينوزي=عجلٍ مع الممشى سريعٍ مفزه[/poem]

[عاليه]

لي الشرف بتواجدي في مدرسة شاعر عتيبه

لا هنت

لا هنت

تحياتي

[** راس حربه **]

الله الله عليك ياعبدالله

وصح السانك على هالقصيده الروعه

وبيض الله وجهك

وننتظر منك الجديد والمميز

دمت كما تحب

[سعود حلمي]

ودي عليه ازور منهـو يحـوزي
على الغلا والود واصـدق معـزه
الاخ
عبدالله المرشدي
الله يسهل طريقك ويستر عليك

وانتبه من الابل
قصيدة رائعه
من شاعر رائع

ننتظر جديدك تقبل تحياتي

[عبدالله المرشدي]

المشاركة الأصلية كتبت بواسطة ضمى نجد لي الشرف بتواجدي في مدرسة شاعر عتيبه لا هنت لا هنت تحياتي

الشاعره القديره


ضمى نجد

الله يزيدك شرف


لاهنتي


احترامي وتقديري

[ناصر بن سعدي]

شاعرنا القدير..


عبدالله المرشدي..



بيض الله وجهك..جزل ووافي ...



ودي عليه ازور منهـو يحـوزي
على الغلا والود واصـدق معـزه

اللي عن انواع الترف مايجـوزي
يحيى حياة العز فـي كـل حـزه



قصديه رائعه ....ووصف أروع ..


لاهنت ...وتقبل تحياتي ..:)

[ابن مسلم]

[align=center]عبدالله مرزوق

صح لسانك عدد حروف القصيده
مضروبه في مليون وبيض الله وجهك
عددها ضرب مليار طول عمرك مبدع يامبدع

تقبل تقديري واحترامي لك[/align]

[frame="8 80"][align=center]اما فيما يخص الفياقرا رقم 200م ز ه
ترى الرقم خطاء لأن الحروف تجي قبل الرقم

لاكن على شأنك اصدرنا التعميم على جميع الفرق العامله بالميدان
ووضعنا حوافز لمن يضبط هذه السياره [/align][/frame]

[الشامخه]

شــاعرنـا القــديـــــر .. عبدالله المرشـــدي ..

صح لسانك واعتلا شانك ..

قصيده جزله من شاعر جزل ..

رائعهـ بروعة أحساسك الراقي لاهنت ..

ودام بوحك وحسك ..

لك ارقى التحايا ..

الشامخهـ ..

[السميري]

صح لسانك اخوي عبدالله

قصيده في غااااية الروعه


سلمت يمينك

[الذويبي العتيبي]

[align=center]اخوي عبد الله المرشدي

ما اقدر اقول الا صح السانك

وبيض الله وجهك على انتقاء قافيه

وكلمات قويه 00رائعه

لله درك من مبدع

تقبل الشكر[/align]