وش رايك بزواج الأجانب من السعوديات ..؟؟

[اشقر السيف]

عمر يالله حيه

والله كلامك حلو لكن مكلف على الدوله وانت تشوفهم يبون اسهل الحلول

ساحر الكلمه تحياتي

لكن انت مشرف منتدى الفكر يعني افهم من كلامك ماعندك مانع ابد وقبل شوي نتكلم عن هرم العادات والتقاليد اللي تكسرت صخروها على روسنا

لا ياخي مستحيل قلوا السعوديين تاخذ اجنبي اصلا لي مدخل عليهم بالشرع

الرسول صلى الله عليه وسلم يقول من ترضون دينه وخلقه فزوجوه وانا بصراحه ما ارضى دين ولا اخلاق بعض دول الخليج وانت تشوف فيها من صالات الرقص والبارات والخمارات مالله به عليه

يعني لادين ولا خلق

سكون حياك اختي مو انا اللي اقول هذا سن العانس هم يقولون واعجبني كلامك وتعليقي على اللي ياخذ من الخارج لانها اقل تكاليف عليه وانتي تشوفين الاوضاع وتشرط اهل البنت على المسكين وهو الحين يبي يبداء حياته يبون يذبحونه قبل يبداء مشوار الحياه


الاخت العصيميه بعد التحيه عزوف الشباب له اسبابه مثل اسباب العنوسه يعني مادته بسيطه راتبه قليل وطموحه كبير مخطط لمشاريع مايعلم فيها الا الله واعتقد كله في زوجته اللي بياخذها

اقرب مثال اعرف واحد عمره 28 سنه ولاتزوج ولا يبي يتزوج للحين والسبب يقول ابي لين اضمن انها لاطلبت شي قلت لها سمي جاك اللي تبينه مايبي ياخذ وحده يعذبها معه ويخليها تتحمل نتايج فشله اللي هو صنعه بنفسه هذا ردي

[حسام هوازن]

لكل عائلة ومجتمع حرية موافقة

زواج هذا الرجل المتقدم على بناتهم..

والواقع يقول بأن اغلبية مجتمع المملكة

ليس مع هذا الشيء..ولكن ان كان المتقدم

من دول الشام والعراق من القبايل الاصيلة

ورجل خلوق فلاعيب ان يزوج بناته هذا الرجل

دمتم بخير

[صهيل قلم]

>> معجبه ببنات المنتدى وتقول عسى الله يحماهم

ويخليهم... ويزيدهم مفهووميه

با النسبه للركب...هذا عذر من لاعذر عنده





.

[اشقر السيف]

سكون بايسن من عتبان الكويت انا عتيبيه

يعطيكم العافيه بس تراكم طلعتوا عن الموضوع الموضوع مو عن الجمال والمفروض انتم يالبنات تصحون شفتوا مصيركم وين بالاخير جمال الرجل مايهم كثر جمال البنت البنت تبي رجال مابي مزيون اذا تبي مزيون تتزوج بنت احس لها وانعم الرسول موصينا يقول اخششنو

صح لسانك كلاشنكوووف عز الله انك ذيب ولد ذيب صدقت انها غالية الثمن

ولا ياخذها لو يحب الخضيرا واللي ترضى على نفسها اصلاً نفسها ضعيفه ولا يبيها الاجودي من الاساس

صحصحوا يبنااات صحصوا الله يستر عليكم

[صهيل قلم]

[align=center]

سكون حياك اختي مو انا اللي اقول هذا سن العانس هم يقولون واعجبني كلامك وتعليقي على اللي ياخذ من الخارج لانها اقل تكاليف عليه وانتي تشوفين الاوضاع وتشرط اهل البنت على المسكين وهو الحين يبي يبداء حياته يبون يذبحونه قبل يبداء مشوار الحياه

اخوي والله المهور قلة وانخفضت عن سابقآآ

ولكن من يسمعنا...!!


شبابنا يبون المجانآ

مع العلم ان الأجنبيه قليلة مهر ولكنها لديها اسلوب في الشفط

في الخفاء

ولا ياخذها لو يحب الخضيرا

وناسه في ناس تخاف علينا :)

بس وشو الخضيرا؟

.[/align]

[اشقر السيف]

ليه ليه ليه وش تحسبون العتبان عبيد

مابي اتكلم بموضوع الجمال مع انه قهرني ولا ابي اكون جميل بس الحمدلله وترا هذي خلقة ربي لا مو مجاناً انا اشوف من 40 الف للي حاله وسط 60 لين 80 قمة العدل

والخضيرا تسبد السما يعني

اذكر بيت شعر لجدي الله يرحمه

يقول

الشين وجه الذيب ويرثع بالانزال = والزين للعذرا وهي ماتوالي

والله فيه بالعتبان وزين الوصايف بعد بس نرجع للموضوع الاصلي

[صهيل قلم]

:)


شووكرن على التوضيح...!!!








.

[اشقر السيف]

بالنسبه لسمار الركب تعليقي عليه هذا اقول هذا وسام الدنيا فما بالك بوسام الاخره

هذا من كثررة السجود وتمريغ جبتها لله سبحانه يشرفني تكون ركبتها سودا مو سمرا

[الشامخه]

[align=center]

وش رايك بزواج الاجانب من السعوديات ..؟؟

عني لو اعنس ماراح اخذ الا سعودي وعتيبي بعد ..

ابي اطفالي ينسبون لعتيبي لا لغيرهـ ..

مو تقليل من شان القبايل الباقيهـ لكني غير عتيبي ماراح اخذ بأذن الله :) ..

هذا من غير حلف امي وجدتي الله لايخليني منهم غير عتيبي لو اموت مااخذ :) ..

وأنا راضيه بحلفهم علي :)

القديـــر .. أشقر السيف ..

يسلموو على طرحك المميز ..

لك ارقى التحايا ..

الشامخهـ ..[/align]

[اشقر السيف]

الشــآمخه

يستاهل الذهب ينقش فيه اسمك

هذي من خوات الرجال والله ونعم يالشامخه الله يرزقك بعتيبي يصونك ويحفضك ويسعدك ونعم العزوه لا اعتزيتي به

تحياتي ومودتي