** قل للعذارى يلبسن العمايم **

[بنت السلاطين]

[align=center]إذا المراجل لبسة شمـاغ وعقـال
قـل للعـذارى يلبسـن العمـايـم

ماعاد يفرق زول حرمـه ورجـال
دام الفعايل تشبـه البعـض دايـم

المرجلـه ماهيـب كلمـة وتنقـال
وتروح ماراحـت هبـوب النسايـم

وإلا خشونة صوت أو رفع الأثقـال
أو رزة صـدور وفعـل الـزلايـم

ولاهي بعد مفتـاح موتـر وجـوال
وإلا ردى لسانـن حديثـه شتايـم

المرجله شيمه عن القيـل والقـال
رفيع نفس ن حـر بالجـو حايـم

المرجله عقـل وزن وزنـه جبـال
ودون العقل وش فرقنـا والبهايـم

يامسندي لو مايل الوقت بـي مـال
ياولـد أبويـه ياعظيـم العـزايـم

يامعرب الجدين من العـم والخـال
يانخوة المفـزوع وقـت الهزايـم

المرجله ياخوي هي طولـة البـال
هي العزم هـي الصبـر فالظلايـم

فيها الكـرم عـزه دلـه وفنجـال
فيها الكرامة عن ردى الطبع شايـم

والدين لامنه خـذا القلـب منـزال
مشى طريق الحق وابليـس نايـم

ومن لاعرف ربه في طيب الحـال
لابد وقـت الضيـق بالهـم هايـم

حتى صلاتك مع جماعات ورجـال
في خيرهـا ياخـوي نعـم الغنايـم

ولامن نصف ليلك قم صفي البـال
ياعظم أجرك بيـن ساجـد وقايـم

ولامن رفع ربي له كـل الأعمـال
حسن الذكر لاقالـو فـلان صايـم

وخلك شريف القصد ياطيب الفـال
سوء المقاصـد فالبيـوت الهدايـم

واحذر تبيع النفس في درب الأنذال
وتتبع خوي إبليـس راع النمايـم

النفس خيل لـك إذا كنـت خيـال
ومن لاقوى نفسه قوتـه الهزايـم

ولا صرت ماتدري لويش أنت رجال
والله خسارة فيـك ذبـح التمايـم [/align]



[align=center]عجبتـــــــــني واتمـــــنى تعجبكـــــــــــــــم[/align]

[ساحر الكلمه]

تحياتي
ولا صرت ماتدري لويش أنت رجال
والله خسارة فيـك ذبـح التمايـم


يامرحبا فيك وفي نقلك

سلمت يمناك

الساحر

[بنت السلاطين]

[align=center][align=center]ســـــــــــــــاحر الكلمــــه حياك الله[/align][/align]

[البارق]

فعلااا قصيده كلها حكم


بنت السلاطين اختيار رائع وجميل سلم عليه اختياركى

[بنت العمدة]

تسلمين بنت السلاطين على هالذوق الرفيع

تحياتي لك

[صهيل قلم]

الله بنت السلاطين اختيار ولا احلى


لاهنتي

[بنت السلاطين]

[align=center][align=center]شـــــــــــــــــرا ع المــــــــــــــرور الجميل[/align][/align]

[بنت السلاطين]

[align=center][align=center]شكـــــــــــــــــرا ع المــــــــــــــرور الجميل[/align][/align]

[دحمي00]

قصيدة جميلة

تحياتي00000000000

[بنت السلاطين]

[align=center]دحمــــي .... اسعدني مرورك


دمت لعتيبه[/align]