قصيدة استغاثه ... الله يجيب الخير
السلام عليكم :
اخواني واخواتي الكرام .... حفظهم الله
لقد طلب مني العزيز على قلبي .... الأخ الفاضل راعي الهوجاس.... كتابة أبيات استغاثه .... طلباً من الله سبحانه وتعالى ان ينزل الغيث على بلدنا العزيز على قلوبنا .... واهديكم واهديه هذه المشاركة المتواضعة .... آملاً ان تنال رضاكم جميعاً :
ياللـه ياللـي تعلــم الحــال ياللـــه
********** ندعيك باللي نعرفه من اساميـــــك
انت الرحيم وعبدك اليـوم منـلــه
********** رافع كفوفه فوق يطلب ويدعيـــــك
راكع وساجد لك خضوع ومذلـــه
********** يرجو العفـو ربي ودمعـه يناجيــــك
ترحم ديار سدير والوشـم كلـــــه
********** وأرض السعودية من العوز ترجيك
واخـص أنا فيحـان يارحمـة لـــه
********** حبه سكن بالقلب مافيه تشكيـــــــــك
ياعلهـن للسيـل مفـرد وجمـلــــــه
********** والماء يفكك يابس الأرض تفكيـــــك
والمزن ياقف في مكانـه مظلـــــه
********** متراكـم(ن) والبـرق شوفـه يسليــــك
عشرين يوم(ن) ثابتٍ في محلــــه
********** مايحتـرك لين آخـر القطـر يعطيـــك
عسـى السيـول لسـدنـا مستحـلـــه
********** والسيــل بالشعبـان يازيـن طاريـــــك
وتنبت رياض سدير روض وربله
********** وريح الخزامـي من بعيد(ن) تناديـــك
وتحلى لنا الكشتات في وسط عبله
********** مرسومة بالعشـب رسمـة سراميــــك
واخـص بالـدعـوة كـريـم نجلـــــه
********** قليبكــــم ياعـل مـاهـا يباريـــــــــــك
راعي الهـدف ياسعـد منهـو يدلــه
********** لامـن طلبتـه جـاء يناديـك لبيـــــــــك
له مجلس(ن) دايم أبــد مانملــــــه
********** تلقى الأدب مع حشمة الضيف تحيِيك
تلقى الرطب والتمر في وسط سله
********** مع دلـة صفـراء مـن البن ترويــــــك
يفـرح بمـن سيـر وخيـره يفلــــــه
********** ولامـن نخيتـه سـلك الصعـب تسليــك
الطيـب يدرس منك دقـــه وجلـــــه
********** ما تنتظـر مـن مثلـي يشهد يزكيــــك
وعلى دروب الخير نلتقي .... إن شاء الله.
l@hotmail.comلـــــواصـــــل
| 
|
10-21-2003, 06:56 PM
المواضيع المتشابهه
العرض العادي
