[align=center]قصيدة وجدانية تعبر عن نفسها
للشاعر الشاب / فلحان قرناس الذيابي
[bdr][/bdr]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامل قلبٍ لاعه الهم واحتاس= شبّت همومه فيه مثل السعيره
هجوس قلبي فوقه تدق الاجراس= تزيد فوقه لينه اخطى مصيره
روابعه تاتي له اخماس واسداس = ترد كما ورد الضوامي لبيره
على عشيرٍ عقبه البال محتاس = لا قلت ابا انسى جت طواري تثيره
عشيري اللي ما وطى درب الادناس= المسك والريحان خنة عبيره
ابو خدودٍ حمر وعيون نعّاس = وشفايفٍ تبري النفوس الضريره
غطروف ما مثله مشى بين الاجناس = ولا آظن مثله داج وسط الجزيرة
يدرى محبتنا عن عيون الانجاس = مامون ما به يوم يفشي السريره
منهم حياتي فالخطر بين الاقواس = متولّعٍ مثل المولّع بطيره
غلاه عندي ماله حدود وقياس = يفوق توصيفه على كل سيره
مشى غلاها مع عروقي والانفاس = وقلبي على ما تشتهي به تديره
واليوم حل البعد والبعد حسّاس = غابت وصرت من الغياب بحشيره
من عقب فرقا الزين فارقت الاوناس = عواقب الفرقا عليّه خطيره
من شافني يقول يا فلان ما باس = الهم برى حالي وربي خبيره
وجدي عليها وجد ابو ادباس لدباس = يون تال الليل عينه سهيره
يرجي ادباس وحال من دونه الياس = وعليه دمع العين حرّق نظيره
او وجد شيخٍ لأول القوم يرتاس = بالامر تمشي له جميع العشيره
عقب المعزّه واخذه الراي بالراس = شاف المذله والحياه الحقيره
شاف المهانة ذاق من مرها كاس= جميع ربعه خالفوا عن مسيره
او وجد شيخٍ في نهار الوغى انداس = بندق له الصامل نهار المغيره
وقعد يون بمقعده فارق الناس = ينخى بني عمه ورجله كسيره
حالي مثل حاله عقب طوّل الياس = ومن بيننا حالت ظروفٍ عسيره
البعد حال وعني بعيد الارماس = ولاجات من يمه علومٍ بصيره
يالله ترده وانت فرّاج الاتعاس = على عشيرٍ قام ينعى عشيره[/poem][/align]
| 
|
11-26-2006, 09:10 AM
المواضيع المتشابهه
العرض العادي
