&حب الناقه لراعيها&

[سيف العطاوي]

[align=center]عطايا الله[/align]



[align=center]الابل هي عطايا الله وللمقولة مدلولات عند أهل البادية

تشيل حمولهم ...
حليبها غذاء لهم...
هي مدرعات الماضي في الحروب...
هي رمز العزة والجاه...

هناك اتحاد فريد بين ابن البادية والابل لقهر قسوة البيئة
ولهذا الاتحاد علاقة أقل مايقال عنها (عشق)

وهناك قصص كثيره لهذه العلاقه بين الابل وأهلها



:-هنا لكم قصة الدوسري الملقب -بالشمالي- وناقته -هديه-
مرض الشمالي وطاح طريح الفراش مدة من الزمن وبعدها توفي

-في فترة مرضه كان معزول لأن مرضه كان معدي
وطول فترة مرضه كانت ناقته "الهديه" تزوره كل يوم عقب ماتهضل
ويوم توفي قامت ( هديه ) كل ماوردت على البيت رفعت الذرى (ذرى البيت) تدوره ولاتلقاه وترجع من حيث اتت وهي تضج بالصوت.

-عقلتها بنت الدوسري عشان لاتسري كل ليله يمكن تفاخت أمهاتها من حزنها على راعيها
-صارت الناقه كل يوم تهضل وتعقلها بنت الدوسري والناقه طول ليلها تهجرع ( تصدر صوت يسمى اختلاج والابل تظهره في حالة الحزن خاصةً عندما تفقد حوارها أو راعيها)

-لهم جار يسمعها كل ليله وهي تهجرع وتختلج فتهيض بهذه الابيات :[/align]




[poem=font="Arial,5,darkred,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مل قلـب هيضـه حـس الهديـه = هجرعت بالصوت من عقب الشمالي
ياذلـول القـرم حمـاي الـرديـه = اصبري عقبه على سقـم الليالـي
ذكرت بالحـب مـن عينـه شقيـه = ذاكـر فـي نجـد خـلان وغالـي
عقـب فقـده ماتوالـف للرعيـه = تطرده ساره علـى روس المفالـي
عزتـي للقـرم حطـولـه بنـيـه = عزتي للقـرم مـن قبـر هيالـي
عادتـه بالكـون يثنـي للـرديـه = ينسـم الحفيـات ريـف للهزالـي [/poem]

[ރسلايـل المجـدރ]

[align=center]يعطيكـ العافيهـ[/align]

[سيف العطاوي]

[align=center]تعافيكـ والشر مايجيكـ

أظن إن أهل البل ماغير أنا وأنت

والباقين مالهم فيها ؟؟؟؟؟؟


وين الردود ووين التفاعل


تحياتي للجميع[/align]

[السيف الصقيل]

أنشهد أنها عطايا الله

وهي عظام المال يا جاهلنبها مثل ماقالو

تسلم ياسيف .. لاهنت

ويعطيك العافية على موضوعك

السيف الصقيل

[حسام هوازن]

يعطيك الف عافية وصدقت فيما ذكرت يولد العم

دمت بخير

[الجوووري2]

عطااياا الله
سبحان الله

مشكور يالغالي
والله لا يحرمك من عطاياه
تقبل مروري

[الشهراني]

الله يعطيك العافيه .......

والله انه ما ينبسط خاطري إلا إذا شفت البل ........

[العريدي11]

الله يعطيك العافيه

[سيف العطاوي]

المشاركة الأصلية كتبت بواسطة السيف الصقيل أنشهد أنها عطايا الله وهي عظام المال يا جاهلنبها مثل ماقالو تسلم ياسيف .. لاهنت ويعطيك العافية على موضوعك السيف الصقيل

[align=center]السيف الصقيل

حياالله أهل أم الدوم

أشكركـ على التعليق

تحياتي لكـ[/align]

[سيف العطاوي]

المشاركة الأصلية كتبت بواسطة حسام هوازن يعطيك الف عافية وصدقت فيما ذكرت يولد العم دمت بخير

[align=center]ومن يقول

أشكركـ على المرور

تحياتي لكـ[/align]