$$$$ :: أجــــمـــل الــقـصـائــد :: $$$$

[برقاوي هواوي]

[align=center]بِسْمِ اللهِ الرَّحْمنِ الرَّحِيمِ [/align]

[برقاوي هواوي]

[poem=font="Simplified Arabic,5,red,bold,normal" bkcolor="transparent" bkimage="" border="solid,4,blue" type=0 line=0 align=center use=ex num="0,black"]
من لاينال الطيـب فـي أول شبابـه =ماظن يظفر به ليا عارضـه شـاب

ومن لايميز فـي خطـاه وصوابـه =لوصاب مره عشر مرات ماصـاب

ومن لاعلى جسمـه يفصـل ثيابـه =والله ليوضع فوق ضرس وتحت ناب

ومن لايعرف القيـظ يتبـع سرابـه =ويصبر على لفح السمايم والاتعـاب

ومن طق بيبان العـرب طـق بابـه =ولاضاع حق ومن ورى الحق طلاب

والسيف قـوة سلتـه مـن نصابـه =ولاخير في سيفٍ يجرب في الاقراب

ياللـي تبـي قـدرٍ رفيـع ومهابـه= أبعد عن الشباك وادخل مـع البـاب

وحاذور من جحر الخبـاره ودابـ=ترى الوقايه خير من كـل الاطبـاب

ولاتعتـرض لـك عيـةٍ تبتـلابـه =دامك معافـى لاتعـرض للاسبـاب

ولاتـارد الا اللـي عـذيٍ شرابـه =عد الوبا مايشربه كـود مـن خـاب

والجار لو عـن داره ابطـا غيابـه =خلك وصيـه لاتخونـه اليـا غـاب

والضيف رحب بـه وكـرم جنابـه =وقدم له الميسور من كـل ماطـاب

وتبشر بقول ونعم فـي كـل جابـه =ويزداد قدرك بين ربعك والاجنـاب [/poem]


[frame="7 80"]
شعر ضــاوي العصيمي


نقل / عبدالرحمن النفيعي[/frame]

[برقاوي هواوي]

[poem=font="Simplified Arabic,4,red,bold,normal" bkcolor="transparent" bkimage="" border="double,4,blue" type=0 line=0 align=center use=ex num="0,black"]
بدينا بذكر اللي خلـق جنـة الفـردوس=خلقهـا وبيـن فـي كتابـه مراتبـهـا

قريب مجيـب يعلـم السـر والهاجـوس=ومن حكمته سيـر الفلـك مـع كواكبهـا

الله خلق كل البشـر رئيـس ومريـوس=خلقهـا وفـي يـوم القيامـة يحاسبهـا

سلامي على أهل الدين كسابة النامـوس=سلامـي عليهـم عـد ذاري هبايبـهـا

على منهج التوحيد نأخـذ عبـر ودروس=دعـاة العقيـدة ماتقـصـر بواجبـهـا

سلامي على اللي لحيته مايجيها المـوس=ولاشجـع الكـورة وصفـق للاعبـهـا

على سنة المعصـوم ماطـول الملبـوس=عفيـف جنابـه والمعاصـي مجنبـهـا

يقرأ الكتاب ولايدانـي أهـل المنكـوس=كمل بالصفـات الطيبـة مـن جوانبهـا

فعله رفع رأسـه مـع رأفعيـن الـروس=تقدم على كسـب المعالـي وفـاز بهـا

ترى راعي الطاعات عاداتـه النامـوس=علـى طاعـة المعبـود نفسـه مدربهـا

أنا أشوف بعض الناس في سيرته دنفوس=حريمه مع السـواق دايـم يـدوج بهـا

يشري لها الموتر وسواقهـا الهنـدوس=ولايشنـده لاراح متـى يـعـود بـهـا

وفـي منزلـه خدامـة تعبـد الجامـوس=تربي وراعينـه علـى خبـث مذهبهـا

وفي البيت تلفاز عليه الجميـع جلـوس=على شاشتـه كـل المعاصـي يجيكبهـا

والنوع الآخر في المكاسب ضعاف نفوس=مشوا فـي الربـاء ماحسبـوا مصايبهـا

شباب على درب الردى يدفعـون فلـوس=شرى غرشة الويسكي علشـان يشربهـا

ولابغى يسهـر كـل الحبـة أم القـوس=أحبـوب خطيـرة والمراجـل تخربـهـا

عيال الحمايل جوا عقب الحبوب تيـوس=وكم واحدا باع الشـرف مـن سبايبهـا

خذ العز من رأسه برجله يدوسـه دوس=جميـع المصائـب مايحسـب عواقبهـا

علامة شربه للزقايـر سـواد ضـروس=علـى فرتـه حـط النجاسـة وجاكبهـا

وصلاة ربـي عـد ماذعـذع النسنـوس=على المصطفى المختار عابـر سحايبهـا
[/poem]


[frame="7 80"]شعر / مهنا بن سعد العصيمي

نقل عبدالله الحافي[/frame]

[برقاوي هواوي]

[poem= font="Simplified Arabic,5,red,bold,normal" bkcolor="transparent" bkimage="" border="double,5,darkred" type=0 line=0 align=center use=ex num="0,black"]
قالوا تعلمت قلـت عنـاد وفراسـه=أعاند النفـس والدنيـا وأصارعهـا
ودرست في مدرسة من شيبت راسه=دنيا العنا اللـي قصيفـات مطامعهـا
تلميذهـا دايـم تكتـب بقرطـاسـه=وتعطيه جملة دروس مـا يضيعهـا
والله عطانا نظر وشعـور حساسـه=ناخذ علوم المعرفـة مـن مراجعهـا
ونساير الوقـت ونقيسـه بمقياسـه=ونمشي مع النفس بالواقع ونقنعهـا
وترى حياة الفتى مهما قوى باسـه=محفوفة بالخطـر والمـوت تابعهـا
من مبتدى العمر لاما يلفظ أنفاسـه=يمر فـي مرحلـة تكثـر زوابعهـا
أول حياة الفتـى تدريـب ودراسـه=تكثر ظروف الحياة وينشغل iiمعهـا
وثاني حياة الفتى مشوار وعساسـه=مسيرة في عجـاج الوقـت يقطعهـا
وآخر حياة الفتى يرجع على ساسـه=النقطة اللـي بـدا منهـا يراجعهـا
يرجع لسن الهرم ويضيـع الطاسـه=ويمشي مع الأرض ويخطط شوارعها
والا تلاقت متونه وارتخـى راسـه=ضاعت جميع العلوم اللـي يجمعهـا [/poem]






[frame="7 80"]
شعر رشيد الزلامي

نقل عبدالرحمن النفيعي[/frame]

[برقاوي هواوي]

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قالو علامـك دايـم تقـل زعـلان=وياعل ما انته يا أبو صالح زعولي
قلت اسمحوا لي ياكريمين الايمـان=تراي من نشداتكـم ضـاق جولـي
ولا كل من يبحث ورى سر الانسان=يكشف عن اللي بالضماير يجولـي
ومن قال انا افهم غاية القلب غلطان=القلـب دونـه مبهمـات القفولـي
ولاني على بعض المواضيع شفقان=ولا احط راسي يـم ضـل يزولـي
وامشي مع الطيب على قدر الامكان=ولانيب اطاول شخص مهوب طولي
وانا اليا شفت الاعور وسط عميان=اجنبه من خوف لا يصيـر حولـي
واصد منه مع وسيعـات الاوطـان=لو كـان حفيانـه مواطـي ذلولـي
والناس كل لـه محبـه وصدقـان=وكل على محبـوب قلبـه ميولـي
ورجل بلا هيبه مع الناس خسـران=لو ينحسـب مـن رجـال زحولـي
والضحك في وجيه الرجاجيل نقصان=ان كان ما للضحك وقت وأصولـي
هـذا وكـل لـه محبـه وصدقـان=والله فرق ما بين صنـف العقولـي [/poem]



[frame="7 80"]
شــعـر جـزاء الحربي

نقل عبدالرحمن النفيعي[/frame]

[برقاوي هواوي]

[poem= font="Simplified Arabic,5,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ألاجواد واجـد والمراجـل لهـا كسـاب =لكن واعـد العشـرة ليـا صـرت جمالـي

يطير الشـرار وكـل نـارٍ لهـا شبـاب =ومن ولع النيـران يصبـر علـى الصالـي

تجارب حياتي معجـزة وادروب أصعـاب =ولقيت الرجـال انـواع والـوان وشكالـي

صديق الشدايد ما خذا منك علـم وجـاب =وسيع الصـدر يضحـك ولا هـو بزعالـي
صديـق الشدايـد لا ينافـق ولا يغـتـاب =يدلـه غريـب الـدار ويـزيـن الجـالـي

وصديق الرخى عقاب ومصادقـه عقـاب =شجـاع الحكـي والمـدح بالقيـل والقالـي

وصديق الرخى ما غير صورة ولبس ثياب =يـا ليتـه يبرقـع مالـه شمـاغ وعقالـي

وعنـدي نصيحـه جـد ماقلتهـا لعـاب =أقـول الصحيـح ونايـم القلـب يصحالـي

ترا خوة أهل الطيـب يالطيبيـن أطبـاب =يطيـب السقيـم وخــوة الاش سـلالـي

تغانم شبابك يا بيض الوجه دامـك شـاب =ترى البدر لو يطلـع قمـر عـود أهلالـي

فلا تهجر المسجد وخلـك ورى المحـراب =ترى روضة المسجـد لهـا منـزلٍ عالـي

ولا تترك اللي يزهمـك خايـفٍ مرتـاب =ترى الذل مـا نجـى الثعـل بـا لتحيالـي

ولا لندى غير الفدى لـو تـروح أرقـاب =ومن ضاع شوره يا خـذ الشـور ويمالـي

ومن با شـرك بالعـذر لاتلحقـه بعتـاب =ولا تشوف نفسـك شيـخ والنـاس عمالـي

ولا تهين نفسك لو تجي بين ضرس ونـاب =وهيبتـك لا تنقـص ولـو ربـع مثقـالـي

وبنت الردي لا يعجبـك زينهـا الجـذاب =تراهـا كمـا المخيـال خيـل وتخيـالـي

ولو شفت حمر خدودهـا وثمـان أعـذاب =لا بـدك تمنـى ليـت مـا جالـك أعيالـي

ولدها لا ياشاف النقـى والملاقـى هـاب =ذليـلٍ بخيـلٍ فيـه خفـخـاف وجفـالـي

أخذ بنت قرمٍ طيـبٍ ساسهـا مـا عـاب =تنومسـك بنـت الشبـل ويجيلـك أشبالـي

أعيال الذياب تصير مثل الذيـاب أذيـاب =وعيـال الثعالـب مثلهـا زهـر الاذيالـي

وفرخ الصقر مثله وفرخ الغراب غـراب =وبـوم الخـراب ايقابـل العـش ويـلالـي

الي صار راسك فوق يا طيـب الا نسـاب =فـلا ينحنـي لقـدام رجلـيـن ونعـالـي

لكن الله اللي يكتـب الـرزق يـا خطـاب =هو اللـي يفـك البـاب ويقـص الا قفالـي

ولا يهمـل الا واحـدٍِ عايـفٍ الاشـبـاب =ولا ضيع أحقوق البشـر غيـر الا همالـي

وترى للقصايد كيف والكيف لـه شـراب =وانا ما مشرب الا كيـف راسـي بفنجالـي

ولا طاوع الجاهـل ولا جامـل النصـاب =أقـدم يميـن الحـق واحــط معـذالـي

ولا ني بو الله طيبن له مـع مـن طـاب =ومن طاب لي برخص له الحـال والمالـي

أكذب وانا خابـر واجامـل وانـا كـذاب =سنين مضـت هـي صـدق والا يورالـي

تلخبط جهاز المـخ وانهـارت الاعصـاب =وفـورت دمـي وارتفـع ضغطـه العالـي

لكن في رجى اللي من رجى رحمته ماخاب =هـو الواحـد العالـي وهـو ربناالـوالـي

وهو الخالق الرازق وهو المعطي الوهـاب =لـه الملـك كلـه والكمايـل والاكمـالـي

رئوفٍ رئيـفٍ رحمتـه تنقـذ المنصـاب =يغيـث الديـار الممحلـه عقـب المحالـي

شديد العقاب ويعتق المذنـب اللـي تـاب =عسـى مـا يوخذنـا بسيـات الاعمـالـي

كما قالـه الله فصبـروا يأولـي الالبـاب =ترى الصبر زيـن وكلمـة الحـق تنقالـي

واصلي واسلم عد مـا تنبـت الاعشـاب =ومـا لاح بـراقٍ سـرى يشعـل أشعالـي

على المصطفى اللي وحد الدين والاحزاب =شفيـع أمتـه يـوم الهوايـل والاهـوالـي [/poem]




[frame="7 80"]

شعر / عبدالله بن شايق القحطاني

نقل / مخاوي النشامى[/frame]