مغازل الشيبان فى البـــر

[عطيب عتيبه]

انا باجيبها بالعامية البحتة," وهذى قصة قديمة جدا جدا ايام الفروت القديمة "

يقولون فية رجال لاضاق خاطرة دق سلف موترة وراح للبر وطبعا ياخذ معاميلة معة وبندقته ويقولون ذيك الايام معة راديو ياخذة معة يتسمع الاخبار والا البادية ايام ابن شلاح المهم انة احد الطلعات امرح الرجال فى البر ورقد ويوم

اصبح قعد يتمشى ويدور الفقع ويقولون ايام ربيع طيب يوم كان الربيع يجى على حلة ويوم انة يتمشى لا واللة الا هاك الغنم مقبلة من هاك الثنية تسوقها بنت ويم اقربت لو اللة انها مزيونة عليها شيال ومتحشمة وقام وسلم عليها

بتحية السلام من بعيد كيف الحال طاب الحال وهى ترد علية من بعيد وتنشدة انت من وين انت جاي وين اهلك !قال انا واللة جاى اتمشى وادور الفقع والاهى مجمعة فقع قبل يجى هو وقامت وخذت الفقع وقالت هذا لك وانا معى الي

يكفى وقالت لة اهلى قريبين من هنا واللة يحيك عندهم اما للغدا والا العشاء وكان الرجال يطالع عيونها من ورى البرقع وزانت لة سوالفها وهرجها والحقيقة انها هزت مشاعرة بثقلها وحلاة المنطق وكرمها وهو شاعر مرهف

الاحساس! المهم ان البنت راحت وقالها اذا جا مرة ثانية وانا هنا لابد اسير عليكم ورجع الرجال للديرة وقعد يقص على خوية قصتة وقعد خوية يلومة ويقولة الحريم كلهم سوى بكرة بتشوف غيرها وبتحبها ولكن الرجال ما جاز لة الكلام

المهم ان الرجال نوى يروح المرة الثانية " الربيع الثانى " ومزهب هدايا لهلها ولها ويوم وقع فى نفس المكان لوالله انهم ماهم فية لانهم بدو يتبعون الحيا والربيع وغشاة الليل فى نفس المكان ورقدفى البر ولكنة ما جاة نوم وقعد

يتذكر يوم عطتة البنت الفقع فى ذاك المكان ويوم انها تطق بعصاة معها على جال الحيد وكلامها الطيب ويوم جاء تالى الليل لواللة صوت ذيب يعوى من بعيد وتهيض بهذة الابيات وقال:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحة جاوبت لى حس عـاوى =ذيب يجر الصوت حسة خـلاوى

يادار ماشفتـى ظبـى المطـاوى =انا على شوف الحبيـب شفـاوى

قالت لى الاوطان جلع ضحـاوى =امسى بهذا واصبح اليـوم نـاوى

كشف لهم برق سديـد عشـاوى =اخذ الخبر ماهوب خرص وهقاوى

ادنى مرابيعة بخشـم الصـداوى =يالعين ماينفـع كثيـر الشكـاوى

ياونتـى ونـت وحيـد جـلاوى =عليك ياللى لـك بقلبـى مكـاوى

عقبة فقدت من المنـام الحـلاوى=يلايمى ياعـل ماللـك عـراوى

من لايعرف الحب عندة دعـاوى =ياللة عسى مثلة كثيـر الهـزاوى

حتى يعرف ان المحبـة بـلاوى =عساة يبلى فـى محبـة حيـاوى

كلامهـا للقلـب مثـل المـداوى =لو تنفع العـزوات والا النخـاوى [/poem]

وسلامتكـــــــــم

للشاعر المرحوم/ مرشد بن سعد البذالى[/poem]

[العريدي11]

الله يعطيك العافيه

[برقاوي هواوي]

الله يعطيك العافيه

[النفيعي1]

صح لسانك ولسان قايلها

[طلق الشيباني]

الله يعطيك العافيه

[اخو من طاع الله]

صح لسانك واسمحلنا على تنسيق القصيده بهذا الشكل لان الي قبل حجم الموضوع كبير ومإخذ حق صفحتين

[النـايــــــف]

صح لسانك اخوي عطيب عتيبه

والله يرحم الشاعر مرشد البذالي

وبيض الله وجهك يا الغالي

على هذا الاختيار الرائع

تحياتي لك ،،،،

[إبن ثعلي]

مشكور ياعطيب على حسن الاختيار
تحياتي