أنا هواي و بس بنت الجزيرة

[العاذرية]

أنا هواي و بس بنت الجزيرة

كتب أحد الشعراء هذه القصيدة بعد عودته من المغرب، فقال:




[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللي تنشد عن علوم الذي طاف "=" كل البحور وكل دوله وديـره
خذ من علومي علم اوصافه اوصاف "=" جزل سمين يشتعل له سعيده
الزين عقب المغربيات ينــعاف "="غيد لهن بالزين ذكره و ســيره
فيهن حلا طاغي ولين و تعطاف "=" وفيهن حنان يشعل القلب غيره
حلوات وصف وفاهمات بالاعراف "=" زيننات منطق صافيات السريره
بنات قوم طيبهم غصـب ينشاف "="اولاد مغرب بالليالي العســيره
ياللي تنشد عن علومي بالانصاف "="هرجي يكفي صامله عن كثـيره
الزين في لميا وتغريد و الطـاف "=" ماهوب في حصه وكشره و منيره[/poem]



فرد عليه طلال الرشيد - رحمه الله - بهذه القصيدة:




[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابن الحلال ان طعتني خل الاسراف "=" واترك جمال الغيد لاهل البصيره
الزين موبس في الملامح والاوصاف "=" الزين روح وعفه وطيب سيره
مانيب من يهوى سريا وانصاف "=" انا هواي وبس بنت الجزيـره
بنت الخليج اللي تماري بالاعراف "=" وحنا نماري باسمها كل ديره
مالي غرام بقول وخا وبالـزاف "=" اذبحتني عند الطرحه المستديره
احب قولة ياهلا وعل وماخلاف "=" من بنت ثوبي بنت الارض النضيره
اللي تحلاها الظبي حلو الاطراف "=" جمال في عفه ورقه وغيــره
واللي بها سحر مهو سحر عراف "=" ياعل عين ماتراها ضريــره
عطف وحنان وذوق في لين الاعطاف "=" والى كشفت لثامها شفت أميره
صعب على اللي بالردي شاف ماعاف"=" وحلوه علىاللي سنه الله ضميره
شمس الى من اشرقت والدجا طاف "=" غابت نجومك غصب لو هي كثيره
السيف مايزهى سوى كف سياف "=" والخيل دون حصانها مستخيـره
بس أنت دورلك على قدك لحـاف "=" وان طعتني دور بدلنا عشيـره[/poem]

[مرودع الوشام]

[align=center]الزين موبس في الملامح والاوصاف "" الزين روح وعفـه وطيـب سيـره

صحيتي يالعاذريه

وقصيده راااااااائعه ولا هنتي ولا هان طلال الرشيد في مدحه بنات

الجزيرة وصح ماقال من مدح وذكر وأوصاف

ويعطيك العاااااااااااااااافيه


ننتظر جديدك


مرودع[/align]