راكــب الـلـي لامـشـى الـخـطّ الـطـويـل : لــو مـشـى يومـيـن مـــا جـــاه الـمـلـل .
أسمحـوا لـي بآصفـه وصـف (ن) قليـل :عقـب وصـفـي ياعـسـى دربــه سـهـل .
أقـصـد الـفـكـس آر مـــا غـيــره بـديــل : لعـنـبـو مـــن صـمّـمـه لـيــن أكّـتـمـل !.
أمـدحـه وأن مــا مـدحـت آخـــر مـديــل :: ويش أباأمدح موتر(ن) غيـره أجـل ؟؟!
وارد الـيـابــان مــــا جــــا لــــه مـثـيــل ::أقطـم(ن) فـي السـوق مــا مثـلـه نــزل !
أبـيـض(ن) لـونـه مـثـل زبــدة صـمـيـل :: وأرثـم(ن) خشمـه مثـل خشـم الفـحـل !
لــون زيـقــه لـمـعـة الـسـيـف الصـقـيـل :: ولـمـع بـرق(ن)فــي خـيـالـه منـهـمـل .
والـعـلامــة لا ســـــرى مـثــنــاة لــيـــل :: فـــي جبـيـنـه كـنـهـا كـوكــب زحــــل !
والإشـــارة لـونـهــا جــمــر(ن) كـلـيــل :: يــتـــلالا مــثـــل مـنــتــوج الـنــحــل !.
والأزرّه داخـــــل الــكــشــن الـجـمــيــل :: دايــريــة حـجـمـهــا كــبـــر الـهــلــل !!
والـخـطـوط بشـاشـتـه صـفّــة فـصـيــل :: تـزهــر أرقـامــه مــثــل ورد الـنـفــل .
يـتــهــزّع مــثـــل نـــقّـــاض الــجــديــل :: ومـنـوتــه مـثـنــاة خــــط لا انـسـحــل .
يتنـهّـض لا أبـرمـه فـــي الـقــاع ويـــل :: وان بـغـيـتـه يـعـتـلــي راس الـجــبــل .
كـن تشيـلـه عــن عــزاز الأرض شـيـل :: فـيــه مــــن قــــدّام دفــرنــس الــدبــل .
أسـود(ن) كنـه حصـاة(ن) مـن حدزيـل :: لـلـنــفــود مـصـمـمـيـنــه والـــوحــــل!!
مــــا ورد مـثـلــه مــواتـــر مـسـتـحـيـل :: ان رضى راعي السفاري أو زعل !!!!
الـجـيــوب أوصـافـهــا فــرّيــس خــيــل :: ومـن خـويـه جـيـب مــا جــاه الـزّمـل .
أفـتــرد عـبــد اللـطـيـف الـهــن وكــيــل :: وعـامــل الـيـابـان وأنـصــح فالـعـمـل .
فـوقــه الـلــي لا مـشــى الـغــدرا دلـيــل ::ويـتـحـمّــل لـلـشـقــا مــثـــل الــجــمــل .
فــي لـزومـي عــن طريـقـه مــا يـمـيـل :: ولا نـخـيـتـه مــــا تـمـشّــى بـالـمـهــل .
حـوّلــه مـــع حـافــت الـضـلـع المـهـيـل :: لـيــن عـنــه طـويــق قــــدّام انــعــزل .
مـا سـمـح لــه يــا عـسـى جـالـه يسـيـل :: ولـو سـمـح لــه كــان سـواقـه وصــل .
لا تــســاوا مــــرّ مـــــرات(ن) يـعــيــل :: ولا تـعـدّا مــن ورى شـقـراء أنـعـدل !.
ثــم تـنـهّـض مـــا بـقــى لـوكــان مـيــل :: داخــــل الـطـبـلـون والــخــط انّــحــل .
شـدّ حيـلـه مــا بـقـى فــي الـحـال حـيـل :: ليـن ضـاق الـكـون جــا مـثـل الـدّحـل .
الـهــواء عـــن رفـرفــه جـالــه شـخـيــل:: راسـي(ن) ومرسّيـه عــرض العـجـل .
المـراكـز مـــا تـعــرّض لـــه سـبـيـل !! :: خابـريـنـه عـــن هـدفـهـم مـسـتـقـل !!!.
ثــم تنـصّـى لـلأصـيـل ابـــن الأصـيــل :: ولا وصلـتـه فاصفـطـه قــدم الـمـحـل .
تـاجــد الـلــي داخـــل المـجـلـس ثـقـيــل :: وان تـكــلــم مـــــا تـلــفــظ بــالــزلــل .
الـكــرم تـلـقـى أولـــه بـــن(ن) وهــيــل :: والـسـوالــف والـحــجــاج الـمـسـفـهـل .
والـشـبــب ومـعـزّبــك ذبّـــــاح حــيـــل :: تفـعـلـه يـمـنـاه .. لا جـاهــا الـشـلــل !!
قـــــل لابـونــيــان كــسّـــاب الـجـمـيــل :: ويـش رايـك نـدرج اسمـك بالسجـل ؟!.
غــنّـــوا الـشــعّــار ومــريـــر الـقـبــيــل :: وتيـحـت الفـرصـة لـرجـال(ن) يـحـل .
وأستـلـم مــا قـيـل واجــري بالحـصـيـل :: وأركـب المبـروك وارجـع لـي عجـل .
| 
|
02-16-2005, 06:02 AM
العرض العادي
