يسعد الله مساكم
لي معاكم موضوع حساس بشتى نواحيه موجهه لأولياء الأمور وخصوصا
بوقتنا الحالي المتعلق بزواج البنت بأغلى المهور للي يسوى واللي ما يسوى
وطبعا من وصل إلى هالمرحلة يعتبر بايع بنته ...للأسف الشديد،
ولكن بفضل الله إنه ماضينا قدم لنا دروس تعني بقيمة البنت وغلاها عند أهلها
وعالجها ببصمته الخاصة ..... فلنتعلم منها :
( وللحفاظ على حقوق القصة وأبياتها راح أذكر لكم شخصياتها )
هذه السالفة على رجل من خيرة رجال بني علي من قبيلة حرب المشهورة بالشجاعة والكرم ،
كان عنده ثلاث بنات وزوج ثنتين منهم وبقت الثالثة عنده ، وبعد فترة جاء له شخص في المجلس،
وبعد ما شرب القهوة قال هذا الشخص لابو البنت:
تعال معي برا المجلس عندي لك كلام ، مابي الحاضرين يسمعونه...
ابو البنت : حاضر ، وطلعوا برا المجلس
ابو البنت : تفضل قول الكلام اللي عندك؟؟
الشخص: اطلب منك يد بنتك وأنا على استعداد لدفع المبلغ اللي انت تطلبه...
ابو البنت : عندك غير هالكلام!!!
الشخص : لا
ابو البنت : اسمع يا ولدي، أولا انت لو كلمتني بهذا الكلام في المجلس كان مافيه لاعيب ولاخجل ،
وثانيا وش اللي خلاك تقولي بأنك تدفع أي مبلغ اطلبه منك ، ومثل منت عارف زوجت خواتها بدون مهر،
هل هالشئ تظنه نوع من الاغراء لي بالمال، اذا كان هذا ظنك يا ولدي فأنت غلطان ويؤسفني عدم تلبية طلبك.
وبنفس الوقت كان هناك شخص حربي من ابن حمدان وكانت له بنت صغيرة بالسن وأخذ ينشد لها
بعض الأبيات ويقول فيها:
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا غريب الزين بنتي يا غريبـه=يا حسين الوصف يا عنق المهاتي
بنت عود ما تخجل فـي نسيبـه=ما مشى درب الطمع للمحصناتي
حالف عـن بيعهـا والله رقيبـه=واقمحوا يااللي تبيعـون البناتـي
رزقنا عند الولي ربـي يجيبـه=رزقنا ما هوب بيع المحصناتـي
جعل بياع النسا يـردى نصيبـه=ترك الماجوب واعرض للشماتي
ان عزم في بيعها تصفى قليبـه=افزعوا له يا المعاطيب الرماتي
وخبر اللي راكب كور النجيبـه=يخبر اللي يشتـرون الطايلاتـي
بيعهن عند النشامـا مـا سعيبـه=ما خبرنـا بالسلـوم الاولاتـي [/poem]
وبعدها سمع هالقصيدة ابو البنت الأول ورد على ابن حمدان بقصيدة
رائعة ووافية واللي هي :
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
راكب اللي لا مشا جالة حطيبه=موترا يطـوى بعيـد النايفاتـي
فوقه من يوصل العلـم ويجيبـه=يم اخو حسنا معشي الجايعاتـي
كان ابن حمدان ما طالب نسيبـه=فأنا اسوق المال مع جيزت بناتي
جيزتي بريال والله لـي رقيبـه=الشهود احضور والكلمة ثباتـي
يوم ولد اللاش عيبه ما دريبـه=يحسب ان الطيب بيع المترفاتي
من يبيع عورته يـردى نصيبـه=حاسبه مولاه من بعـد المماتـي
بيعة العورات من طرق المعيبه=تقصر الناموس عند الموجباتـي
سببوا تعطيلهن صـارت غليبـه=عنسن ببيوت اهلهـن قاعداتـي
والردى لو ينتقدني ويـش ليبـه=والسنافي دامـح زود كلماتـي
[/poem]
وللعلم ذكر بالقصيدة (يم اخو حسنا معشي الجايعاتي) وهو بذلك
يقصد الشيخ عبدالمحسن الفرم شيخ قبيلة حرب.
منقول
| 
|
06-09-2006, 05:30 PM
المواضيع المتشابهه
العرض العادي
