اليوم انا طفشان كني خلاوي

[عيد بن شده]

اليوم انا طفشان كني خلاوي
والله مدري ويش الاسباب يا منيف

ازريت اجامل شاربين الثناوي
اكالة الفضله بعد يسري الضيف

رجالهم عند الجماعة فداوي
ياكل هجور الضيف ويقطر الكيف

وعند اللوازم مثل خطو الضراوي
دايم يحب الشين عج المحاريف

وان روحن بالحمل شرواه ثاوي
اضعف من البروق اليا ناشه الهيف

تشوف بالمسكن بعض الهقاوي
لا شوبشت بالصامله شنصه ضعيف

رايه عماوي في جميع الدعاوي
على قصيره والجماعه كما الحيف

عيد بجاد ابن شده

[عبدالعزيز بن حشيان]

صح لسانك يابو فهد دايم كالعاده زايع

[عيد بن شده]

صح بدنك يا ابو خالد