الراس طيب والسجايا حميده

[عبدالعزيز بن حشيان]

اخواني يسعدكم ربي في كل الاوقات

هذه مرثيه في بالود بن غزاي النصيف الغنامي

رحمه الله وجميع المسلمين

**************************

عزالله انه راح منا فقيده

لياقيل منهو قلت بالاسم بالود

راع المواقف والنقاء والعقيده

ولجل الجماعة باذل كل مجهود

له سيرة بين النشاما مجيده

سيرة شرف في كل يوم لها زود

الراس طيب والسجايا حميده

عز الرفيق الي من الوقت مضهود

ياقف معه في كل شي يفيده

لوكان من داني دناياه مطرود

ماميزه في البنك زايد رصيده

لكن رصيده عندالاجواد موجود

يوم السنين عجاف معروف جيده

وقت الرخا كثروا هل الطيب والجود

عسى السحاب الي مزونه سديده

يمطر على قبر سكن فيه بالود..


سعد براك الغنامي

[إبن ثعلي]

صح السان سعد براك والله يرحم بالود رحمة واسعه ومشكور يابن حشيان على ايراد هذه المرثيه

[المغوار]

صح لسانه وسلم نقلك واختيارك