الشاعر محمد بن مطلق الصقري الحافي
الاوله بسم الله الرحمن رب العالمين
وللي بعدها ياسلام الله سلام المسلمين
سلام اخصه للحفاه عيال عمي لابتي
مهاثله واعدهم لي درع جنب ونون عين
ونيابة(ن عنهم على المنبر ليا منى وقفت
ابرفع عقالي وارحب في جميع الحاضرين
يامرحبا في حلة(ن مع نورها حتى النجوم
مع نور شلوة الكفار لا يمكن تبين
والعود الازرق عجته على مداخلها تقول
ماكنه الا عج يوم انطاق في ماضي السنين
ودلال رسلان (ن تعاقب من نشيط ليا نشيط
فنجالها داير عليكم من يسار ومن يمين
وحشو (ن تحاوطها صيان الحيل والمخرج ملي
والحشو ماهي مشترى هذا كاش وذاك دين
لاوالله الا عيال ذود(ن من خلقنا عندنا
ترثة مكاسب من مغازي للجدود الاولين
ماعندي مجامل على التاريخ والمجد التليد
اعد كلمة حق دام السابقين السابقين
اهل الاشده قبل توزيع الجناسي والختوم
اللي تداحم في فيافي نجد بالجنب المتين
لهم مع عتيبه على الاخصام في وقت(ن مضى
حربه يقال الفاريه عنها على علم(ن يقين
وسلومها مع باقي سلوم العرب متساويه
الا انها زاد على سلم الجماعه حبتين
دخيلنا ناسم عصاه ويهتني في عيشته
ونروح به مكه ونرجع سالمين وغانمين
ياشلوة الكفار ياللي كفركم على العداء
سموكم الشلوه ونعرفكم على تقوى ودين
وانا ترى حافي ولي لابه يسمون الصقور
اللي خذو سبعه سداد حصان يوم الوقت شين
ونعم في عتابه عموم وبالقبايل كلها
كل(ن خذا قسمه وذكر الطيب والطيب يبين
وختامها صلوا على محمد صلاة بلا عدد
شفيعنا اللي مرسله ربي لكل العالمين
| 
|
04-11-2017, 01:14 PM
العرض العادي
