انا ثلاث عقود بالشعر عنيت

[عيد بن شده]

انا ثلاث عقود بالشعر غنيت
وتنوف عشر ونوفها ماحسبته

ماذعنت للسمعه ولا اذعنت للصيت
والمال والله بالنبط ماطلبته

شاعر فتل ماني بشاعر ثراويت
طبيت ميدان القصيد ولعبته

العب على كل الطواريق يابخيت
وقصيد غيري ياملا ماهزبته

واصحب مع الطرقه رجالٍ عناتيت
ولا الردي في سيرتي ماصحبته

واليوم ينقدني من الجيل خرتيت
خبلٍ مذبت السوالف هذبته

ان قلت له صليت قال انت زليت
الجده الشمطا بساسه نكبته

اوحيت له بين النشاما تناهيت
اسمع ترانيم الغضب في كربته

وارسلت له عوصٍ عليها تثابيت
عوصٍٍ اليا غنا المغني حظبته

تروج معي بعنانها لاتعزويت
وان جيت بالميدان خصمي غلبته

عيد بجاد ابن شده

[إبن ثعلي]

صح السانك يابن شدة ولا هنت

[عبدالعزيز بن حشيان]

ابو فهد

صح لسانك والحمد لالله على السلامه وين الغيبه

[{ أبوفيصل }]

شاعر فتل ماني بشاعر ثراويت
طبيت ميدان القصيد ولعبته


صح لسااانك يابن شده على هالأبيات المعبره لاهنت
ونكان يابن شده فيك شده الميدان : بيض الله وجهك امزح طال عمرك
لكن قلت قسم المحاورات ينادي وانا مااشوف اطيب من هالوجه يقابلنا
انت وابن حشيان وابن ثعلي

[عيد بن شده]

صحت ابدانكم جميعاً

اما بالنسبه للمحاوره انا ماني شاعر محاوره

[المغوار]

ابن شده العتيبي


صح لسانك والله انت وانا يرزقنا الله ماجانا اوسمه مثل زملانا

[عيد بن شده]

صحت ابدانكم جميعاً

يامدير الاوسمه لاتخلينا