من ارشيفي

[عبدالعزيز بن حشيان]

اخواني وخواتي الله يسعد جميع اوقاتكم

ابيات لتواصل معكم ارجو ان تنال شي من رضاكم



[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يعجبني الصوت في جو الخلا الهادي=جر الهجيني على تقسيمت الشنه
وريح النفل والخزامى والقمر بادي=ماحال دونه بعض سحبن يغطنه
سجت خواطر ومعها البال منقادي=يستعرض ايام وشهورن تعدنه
وجلست نشاماًلهم بالمجد مسنادي=من ضن بالطيب فيهم ماختلف ضنه
بعد صلات العشا والربع قعادي=من عقب صلو صلات الفرض والسنه
والكبش يطبخ تحته النار وقادي=تلقى البنات الشقرديه يحوفنه
والذود يزين مراحه باسفل الوادي=مافيه نمله ولاقردن يسرنه
في ديرتن علها الوسمي تردادي=من فضل ربن له الشكر وله المنه
حتى غدا العشب كنه فرش سجادي=ودهم السحايب سبوعياً يساقنه

[/poem]

[إبن ثعلي]

صح السانك يابن حشيان ولا هنت قصيدة ولا أروع منها
وان كان ودي شطر البيت هذا:-

والكـبـش يـطـبـخ تـحـتـه الـنــار وقـــادي = تـلــقــى الـبــنــات الـشـقـرديــه يـحـوفـنــه

كان هكذا

والكـبـش يـطـبـخ تـحـتـه الـنــار وقـــادي = تـلــقــى الـبــنــات الـشـقـر حوله يـحـوفـنــه

[همس النسيم]

ماشاء الله
صح لسانك يابن حشيان على هالقصيدة الروعة

[عبدالعزيز بن حشيان]

المشاركة الأصلية كتبت بواسطة إبن ثعلي صح السانك يابن حشيان ولا هنت قصيدة ولا أروع منها وان كان ودي شطر البيت هذا:- والكـبـش يـطـبـخ تـحـتـه الـنــار وقـــادي = تـلــقــى الـبــنــات الـشـقـرديــه يـحـوفـنــه كان هكذا والكـبـش يـطـبـخ تـحـتـه الـنــار وقـــادي = تـلــقــى الـبــنــات الـشـقـر حوله يـحـوفـنــه

ابن ثعلي


صح بدنك اشكر لك مرورك يالنشمي

البنات الشقر،، عند العطوات مافي المرشديات شقر

[عبدالعزيز بن حشيان]

المشاركة الأصلية كتبت بواسطة همس النسيم ماشاء الله صح لسانك يابن حشيان على هالقصيدة الروعة

همس النسيم

اشكرك يالنشمية وصح بنك اسعدني مرورك

[إبن ثعلي]

المشاركة الأصلية كتبت بواسطة عبدالعزيز بن حشيان ابن ثعلي صح بدنك اشكر لك مرورك يالنشمي البنات الشقر،، عند العطوات مافي المرشديات شقر

القصد ان كلمة شقردية اذا كنت تقصد بها المؤنث فهي تدل على المفرد
أي بنت واحده واذا كنت تقصد بها المذكر فهي تدل على الجمع رجال شقرديه
لكن ما عليش الشعر النبطي لايلزمك بالتقيد بقواعد اللغة العربيه
وتحياتي لك