ابشر بيواً مثل يوم الرغامه

[عبدالعزيز بن حشيان]

انفعلت وصرت الوح بالعمامه
بعد عاصفة الحزم معنى الرجوله

والاوامر جات من قصر اليمامه
من حكيما في القسا تعرف فعوله

طول الله عمره وعزه ودامه
الزعيم الي ينومسنا قبعوله

رايتة مرفوعه بعزم وصرامه
فارسا فالمعركه تصهل خيوله

يابو شمه صبرنا ماهو رخامه
وانت خاين للعهد يابن الحموله

جاتك اسرابا على جوك غمامه
شف صقور الجو عرض ارضك وطوله

ودس راسك فالرمل مثل النعامه
ودور الحوثي سرا ناسا نعوله

والخميني مايقلنه عضامه
خطته فشلت ويمناه مغلوله

ياملكنا الحرب لاثور عسامه
معكم النا فالوغى صوله وجوله

ابشر بوما مثل يوم الرغامه
دون بيت الله وعن سنة رسوله

والقبايل كلها فيها قرامه
كلنا عند الكلام الي نقوله

وقالها عبدالعزيز ومن كلامه
كلنا للحرب لادقت طبوله

ومبتدى قولي واكرر في ختامه
رمز عاصفة الحزم معنى الرجوله


الشاعر :عيد ابن حطاب العتيبي

[إبن ثعلي]

صح السان الشاعر عيد بن حطاب على هذه القصيدة
الرائعه ومشكور يابن حشيان على نقلها ولاهنت

[همس النسيم]

صح لسان الشاعر
وصح نقلك يابن حشيان

[عبدالعزيز بن حشيان]

المشاركة الأصلية كتبت بواسطة إبن ثعلي صح السان الشاعر عيد بن حطاب على هذه القصيدة الرائعه ومشكور يابن حشيان على نقلها ولاهنت

ابن ثعلي


صح بدنك والله لايهينك اسعدني مرورك

[عبدالعزيز بن حشيان]

المشاركة الأصلية كتبت بواسطة همس النسيم صح لسان الشاعر وصح نقلك يابن حشيان

همس النسيم


صح بدنك والله لايهينك اسعدني مرورك الرائع