ياهل العلوم الواهيه والرّعونه

[عيد بن شده]

ياهل العلوم الواهيه والرّعونه
ياللي سوالفكم بلا ميز وانصاح

لاتزعجون العود لاتزعجونه
تراه يتعب كل صامل ومزاح

شاعر وعنده ياجامعه مرونه
واليا تحداء الخصم بالصدق جراح

يعرف كلام (ن) خافي(ن) تجهلونه
ويخسر اللي دوروا بعض الارباح

اهل النظر بالشعر ماينقدونه
اللي لهم بالعرف مسرى ومصباح

واللي من الهقوات ثارت جنونه
ودمه بشريانه من الغطرسه فاح

يحرق نواصي لحيته مع جفونه
بالمشخص اللي لاهبه ينجح أنجاح

والقاف في معناه يفحم لحونه
فرايده مثل النهيلي اليا لالاح

ويخلف ضنون اللي قويه ضنونه
لاصار مد وجزر مع كل سباح

واللي يوظف طعنته في فنونه
يعطيه فاله في ثفاله ويرتاح

ويضرب بمسواعه ويقشع بشونه
عودٍ مخضرم ماتمطرح تمطراح

والخصم يرهق هيبته مع شجونه
من محزمٍ في ساعة الضيق ماباح

عيد بجاد بن شده

[عبدالعزيز بن حشيان]

ابن شده


صح لسانك يالنشمي غاية الابداع

[عيد بن شده]

ابو خالد لاهنت وصح بدنك مليون

[إبن ثعلي]

صح السانك يابن شدة
قصيدة ولا أروع منها

[عيد بن شده]

لاهنت يابن ثعلي وصح بدنك