ابن شده وكل ابداع

[عيد بن شده]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الايالحمام الورق ياللي تجر النوح=تراني معك يالورق بالصوت نواحي
على وقتي اللي فات قلب العنا مجروح=شعاني شديد البدو والبرق لالاحي
زهازيم شولٍ تعجب الفارس الطحطوح=لها في صميم القلب ممسى ومصباحي
شعتني سهاف النوق لاجلعن سروح=شراشيح خورٍ فوقها الوسم لواحي
لها رنق شبراقه يخل الدموع اتفوح=دموع الذي مع طلعن النور سراحي
لو شافها القاضي كتب في جديد اللوح=قضى عمره الباقي مع البدو مارتاحي
الايالعميل اعرب حديث المخضرم نوح=ترا صاحبك غواص كان انت سباحي
على مذهب الخباب شوح المعاني شوح=واخذ من ثقيل الماس مخباط وسلاحي
تعلم عسوس البدو واترك قصير شبوح=ترا عاشق البدوان ماهوب فلاحي
عليك برحيق السلسبي وترك الذرنوح=ترا صاحبك بالجد ماهوب مزاحي
[/poem]


عيد بجاد بن شده

[إبن ثعلي]

لاهنت وصح السانك يابن شدة على هذه القصيدة الرائعه

[عبدالعزيز بن حشيان]

ابن شده العتيبي

صح لسانك يالقرم وتستاهل التقييم وختم التميز

[عبدالله بن طلال]

على وقتي اللي فات قلب العنـا مجـروح

شعـانـي شـديـد الـبــدو والـبــرق لالاحـــي

الا ليت الشباب يعود يوماً = فأخبره بما فعل المشيب




كلنا مجاريح مثلك ياعود بس صح لسانك ههههههه

ابو خالد عانه يونّ وانا عاني في جنبه اتنهّت خخخخ

الله يحسن خاتمتنا بس

تقبل تحيات مغليك

[عبدالعزيز بن حشيان]

المشاركة الأصلية كتبت بواسطة عبدالله بن طلال على وقتي اللي فات قلب العنـا مجـروح شعـانـي شـديـد الـبــدو والـبــرق لالاحـــي الا ليت الشباب يعود يوماً = فأخبره بما فعل المشيب كلنا مجاريح مثلك ياعود بس صح لسانك ههههههه ابو خالد عانه يونّ وانا عاني في جنبه اتنهّت خخخخ الله يحسن خاتمتنا بس تقبل تحيات مغليك

ليه يابو مشعل


تطمع انا مانسرح الذود هههههه ونشتري البكار المزائين

[عيد بن شده]

صحت ابدانكم يالربعي الغالين
جميعٍ ملايين