بالبرهان والحجّه

[عبدالله بن طلال]

تواصليه عسى ان تروق لكم

[poem=font="simplified arabic,6,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياهاجسي فِجّ لي باب الشّعِر فِجه = عطني ثمين البيوت وكبّ سامجها
اجادل الناس بالـبرهان والحـجّه = والكلمة الطيّبه تثمر نتايجها
لابارك الله فالازعاج واللجّه = والكذب والهرجه العوجاء وهارجها
اللي ليا سمع حاجه طار فالعجه = ماعد يدري حروفه وش مخارجها
والوقت مايدري ان الناس محتجّه = يمضي على الناس واركابه يدرّجها
احدٍ مع الوقت يمّ الخير متوجّه = ميقن ليا ضاقت ان الله فارجها
لاضاق صدره توكّل والقدم سجّه = على دروب الرجاء يطوي مناهجها
والسرّ ما بيّحه والمرّ ما بجّه = من خوف نفسه ينزّلها ويحرجها
و أحدٍ ليا قلّ حاله صار به رجّه = لعب به ابليس والعالم تولّجها
يصير عزمه ضعيف وضاع فالدّجه = نفسه من ادناة سقطه ما يخارجها
ويالله دخيلك وعبدك طالبك نجّه = وروحه بحسن الختام انّك تتوجها
[/poem]

[عبدالله بن طلال]

يا ادارتنا الكريمه

نقلت القصيدة منسقه جاهزه وماضبط معي التنسيق

الله يكون بعونكم :)

[إبن ثعلي]

تم ضبط التنسيق وصح السانك ياعبدالله
قصيدة لايعلى عليها من كافة الوجوه
وتحياتي لك

[عبدالعزيز بن حشيان]

يصير عزمه ضعيـف وضـاع فالدّجـه =نفسه من ادناة سقطه ما يخارجها

صح لسانك يابو طلال ابدعت وامتعت وختم التميز والتقييم جاهزين

[عبدالله بن طلال]

صحت ابدانكم وبيض الله وجيهكم

لاعدمت تواجدكم الراقي ومتابعتكم الرائعه

تقبلوا تحيات محبّكم