الايالله يا معبود يارزاق يا حلال
............................تحل ذنوبي برحمتك ياربي تبـدلـها
تبدل كل سياتي حساني يالله المتعال
..................ذنوب الخلق تحصيها من اخرها ليا اولـها
ولايخفاك منها شي لوانه ربع مثقال
....................ملايكة السما تكتب صحايفها وترسـلها
ابن ادم كل ما يعـمل يبا يلقا من الاعـمال
.....................ومهما عاش فالدنيا يبا يواجه مشـاكلها
عسى ربي يوفقني بتوفيقة وستر الحال
.........................قصيدة ماتجملني عسى الله مايجملها
ليا قلت القصيدة بالمعاني والبيوت اجزال
.........................يقول الشاعر الناقد يصح السان قايلها
وانا ماقلتها سمعه ولابغا قيل ولا قال
......................اعبر عن شعوري والعلوم العوج ماقبلها
اقوله والتجارب علمتني فالرجال اشكال
..............................رجال طيبة ورجال ماودك تقابلها
تشوف ازوالها متشابهه والفرق فا الافعال
.........................رجال ٍ خايبه ورجال تعجبك بفعايـلها
واناماني غشيم اميز الطيب من البطال
........................اعرف اللي يطلع قيمتي واللي ينـزلها
ولا اقول اني الكامل ولاني باعرف العقال
......................لكن اعرف خروجي من بيوت ٍ قبل مدخلها
ولاادخل في قيضية واحد ٍ مالي بها مدخال
........................اباحفظ قيمتي وروح عن ناس ٍ تقـلـلها
ولاجاين بجاهي في مقامن يرخص الرجال
..........................رجال ٍ ما تقدر جيتي ماني بجايلها
وليامني بليت بشخن اقـشرمايضيق البال
..........................اباكبه على عوجاه لين الله يسهلها
على عـقـله نبا نعـطيه لو حط القصار طوال
.........................يقصر فالعلوم الضايعه واللايـطولها
عقول الناس فيها من تفاوتها مثل ماقال
..........................نعاملها على قد العقول ولانجاملها
على قول المثل ماكل ٍ يقدمله الفنجال
........................تسير القافله فالدرب والناس بمنازلـها
ترى كل ٍ بمنزلته ولو كثرو شيوخ المال
........................تواريخ العرب تفرق جبرها من حمايلها
بتالي وقتنا ياكثر ماشفنا من الاهوال
.........................عيال البوم قامت تلحق الفتنه وتشعلها
تبين كل ماشفنا ومانسمع عن الدجال
............................علامات القيامه بعضها بانت دلايلها
جهز بن مسيمير الهرس العتيبي
| 
|
09-04-2014, 10:39 AM
العرض العادي
