لغز وينك ياللي تحله ( محلول من ابن ثعلي )

[{ أبوفيصل }]

السلام عليكم ورحمة الله وبركاته

[poem=font=",6,darkblue,bold,italic" bkcolor="transparent" bkimage="" border="outset,10,darkblue" type=2 line=0 align=center use=ex num="0,black""]
ياملّ عينٍ ماتنام اجفونها =شوف السمار احسب حسابه وارقبه
يغشا وجيه اللي تغيَّر لونها =هاك الثَّنين اللي بهم نفس الشَّبَه
رجلٍ على اسم امه ويِعرف دونها =ورجلٍ على اسم ابوه واضح منسبه
اللي يجي لأمه ويغشا كونها =واللي يجي لأبوه ليْن يغيِّبه

[/poem]

[همس النسيم]

وعليكم السلام ورحمة الله وبركاته
صح لسانك يابو فيصل
لغز جيد وجزل الله يعطيك العافية
لي عوده ان شاء الله

[إبن ثعلي]

هذا لغز ماهوبصعب يالعطاوي بس لازم نفهمه اول
السمار يغشى وجه الرجلين والا الرجلين يغشون السمار
وتحياتي لك

[{ أبوفيصل }]

أهلاً بكم ياهمس عوده حميده

بانتظااار الحل

[{ أبوفيصل }]

نوعاً ما يابوعبدالرحمن لكن مايصعب عليكم ياشايبنا

المطلوب اثنين >> هذا على أسم أمه ينسب ، وهذا على اسم ابوه منسبه

[إبن ثعلي]

والله مافهمت اللغز زين يالعطاي لكن ويش رايك في برقع المراة وبرقع الطير؟
او ضوء الشمعه وضوء السراج؟

[{ أبوفيصل }]

اللغز واضح حله ولكن مايمكن تحله وانت ماعطيته بالك

ماااااالك لواا

[إبن ثعلي]

ويش رايك في نور القمر ونور الشمس ؟
او كسوف الشمس وكسوف القمر؟

[عامر الروقي]

مساء الخير الجميع
والعذر والسموحه عن الغياب الله لا يغيبنا الا في طاعته
ابوفيصل
صح لسانك ونضمك للغز
وش رايك
ربيع الارض و الربيع العربي

[{ أبوفيصل }]

المشاركة الأصلية كتبت بواسطة إبن ثعلي ويش رايك في نور القمر ونور الشمس ؟ او كسوف الشمس وكسوف القمر؟

صح فكرك يابوعبدالرحمن ماشاء الله

(( كسوف الشمس و خسوف القمر ))

ياملّ عينٍ ماتنام اجفونها << لاتنام عين المؤمن خوفاً ورهبه عند رؤية هذه الظواهر الكونية بقدرة الله وتدبيره
شوف السمار احسب حسابه وارقبه << السمار هو السواد المظلم الذي يرتقب عند مجيئه مخافة الله سبحانه

يغشا وجيه اللي تغيَّر لونها << الكسوف والخسوف اللي يغطي وجه القمر والشمس
هاك الثَّنين اللي بهم نفس الشَّبَه << الكسوف والخسوف

رجلٍ على اسم امه ويِعرف دونها << خسوف القمر
ورجلٍ على اسم ابوه واضح منسبه << كسوف الشمس

اللي يجي لأمه ويغشا كونها << الكسوف عندما يكون كلِّي يحجب نور الشمس
واللي يجي لأبوه ليْن يغيِّبه << الخسوف عندما يكون كلياّ كذلك يحجب ضوووء القمر

تحياتي لك وللجميع