هذي قصيده في الشيخ / عبدالرحمن حمود عيد العضياني العتيبي

[فيصل عبدالرحمن]

لاوالله اللي شد من عندنا جار
مال الاحساء والحي عقبه حسوفه
ابوفهد راع الكرم واف الشبار
من عزوتن وقت الزوم معروفه
العام لامن جيت مع شارعه مار
اكثر ضيوف الحي دايم ضيوفه
واليوم طافي مظلم ولا به انوار
ماودك ان عين العتيبي تشوفه
هذا كلام اللي تهيض بالاشعار
من عقب ربعه قطع الهم جوفه
ماقول غير الله يذكرك بالخار
ويستر عليك من الزمان وضروفه

الشاعر : مرزوق الحافي
رد الشاعر : فهد عبدالرحمن العضياني

ياللي تعلمت الكتابه والأسفار
هات القلم والشعر سطر حروفه
مرزوق ذكرني بجيرت هل الكار
قرمٍ على الجزلات نفسه شغوفه
من لابةٍ عرفوا على جيش وأمهار
ومصقلٍ روس الطنايا قطوفه
ابن رشيد مطوع شيوخ وأحرار
عود على برزان تصفق كفوفه
يشهد عليه نطاق يوم الرمك ثار
في ماقعن سحم الضواري تحوفه
من فعلهم راح اللغيصم عشاء الطار
تنهش عيونه عقب قوة اكتوفه
وانته يابو خالد من الناس الأخيار
رواد بيت الله وخيرة صفوفه
لك مجلسً مايدخله كل هذار
غير النشاما والرجال العروفه
فيه الشحم يركى مع البن وبهار
والعود الأزرق فالمطايب يطوفه
يومن ربعي في نحيات الأقطار
ما كني إلا وسطهم في مروفه
جيرتك نذكرها مع صغار وكبار
وتبين ذكراها بعينً ذروفه

الشاعر: فهد عبدالرحمن العضياني

[إبن ثعلي]

صح السان الشاعرين ولاشك ان الجار سيفقد جاره اذا كان بهذه الصفات

[فيصل عبدالرحمن]

اشكرك علي المرور يا ابن ثعلي

[{ أبوفيصل }]

تشكر يافيصل على نقلك لهذه القصائد الجميله

صح لسان مرزوق الحافي والرد الوافي
من فهد صح لسانه

دمتم بخير وعافيه

[فيصل عبدالرحمن]

لاهنت يابو فيصل علي المرور