يوم عديت الطويله مع وقت الغروب

[الأدميرال]

تل قلبي تل دلو من العد الجذوب
ناطحت به يوم تلت رشاه السانيه

يوم جيت العد خالي وهو كان معروب
ذي منازلهم عليها الذواري بانيه

خايف قلبي من الحزن والفرقى يذوب
يوم مروا بي رسوم الديار الفانيه

حي من داره عليها بنى ذاري الهبوب
كل ما سجيت مريت داره ثانيه

هلت الدمعه وضاقت علي كل الدروب
باح سد النفس من عقب ماهي كانيه

صابر بالعزم وانا على الصبر مغصوب
لي سنين ما حصل لي حياة هانيه

يوم عديت الطويله مع وقت الغروب
قلت هذي قدرة من حياتي دانيه

ويش بك ياعين ذا الليل ماعندك اسلوب
استخفيتي بجسمِ عظامه وانيه

لوعذلتوني وقمتوا علي من كل صوب
تفهمون النفس من حكيكم متغانيه

ويلهم من كلمة الظلم خالين القلوب
من يقولون القلوب الحزينه جانيه

[عبدالعزيز بن حشيان]

الأدميرال

تسلم يمينك ع النقل وصح لسان الشاعر

\ عامر ابن نوطان المري ...

[الأدميرال]

حياك ياعبدالعزيز
اسعدني مرورك

[فيصل عبدالرحمن]

لاهنت علي النقل وصح لسان الشاعر

[الأدميرال]

حياك يافيصل ولاندمت