على العواجه منك يافلان وفلان
....................ياكثرصبري ميرماودي اقول
اشوف واسمع يا قليلين الاحسان
..........لكن اباصبر واترك الوضع مجهول
لوأن كثرالصبرسبب قلاقان
...............واليا تعداء الحد ماهوب مقبول
وهني منهو يم عبلت خسران
...........برض ٍخلا عنده من الذود شمشول
خمسين متن وكلها نقو وسمان
................ماشافها الحساد بعيونه الحول
مرتاح بال وبين عبله وضلعان
..........في سهلت ٍ وحده عن الناس معزول
والليل هادي والهوى بعض الأحيان
..........يطرق شوي شوي والأرض مطلول
ريح الخزامى والنفل عقب ألأذان
.............على طلوع النور والكيف معمول
في حيد واد ٍ فيه ربله وحوذان
..............من غب سيله ما وطابه ولا زول
نوار عشبه يعطي أشكال وألوان
....................للي يمد ابه النظركنه أزلول
واد ٍ من أول فيه عجرم وضمران
...............يازين مشي ٍ فيه لاصار مسيول
فيه الحباري وألأرانب وغزلان
...............وقتن مضى والبدو رحال ونزول
سيله يحدر شرق من بين برقان
..........يصفق على البرقه ويطلع على طول
ليا دق بالفيضه وعقب مراغان
...............جنوب منه حزوم ويسار غرمول
يفيض له في حيد صبخاء وسنفان
.............سيله يسويله مع الارض دحمول
يشتاق له منهو على البر شفقان
..............ليا استوا نبته على مرتع الشول
فا العبه اللي غرب وادي خريطان
................وجنوبي البربك أليا دق بعدول
هاذي منازلنا زمان ٍ مضى كان
...............من عقب ذكرياتها ويش اباقول
اقول جعل الغيث ينهل ودّان
...................على منازلنا ليا داير الحول
بامر الكريم اللي فرض خمس الأركان
..........رحمه وصلى الله على خير مرسول
جـهزمســـيميرالعـــــتيبي
| 
|
03-14-2014, 06:34 PM
العرض العادي
