السلام عليكم و رحمة الله
احيي الجمميع في منتداهم و لي الشرف بـ مشاركة شرواكم
جابتني الصدفه للمنتدى مع ان لي وقت طويل تارك المنتديات
بـ النسبه للكلام اللي ذكرته ياخوي زايد
لي فيه تعقيب بسيط وسمة العصا من أفعال الطيب و الشجاعه
و لا هي بـ حكر ٍعلى أحد
و عند عتيبه مفاخر ما تحصى و الدواسر بـ المثل
و اذا قلنا حنا وسمنا العصى يا عتيبه خصينا ألاد حافي بها و هي فعل لهم واضح و مشهور
و شهوده لا من برقا و لا من الروقه
لكن اخواننا الدواسر ليا منهم قالوا إنّا وسمنا العصى عمّوا و لا خصّوا فخذ منهم
و للأمانه اللي وسم العصى من الدواسر هم الوداعين فقط
و لا فيه فخذ غير الوداعين فعله و هذا ما يعيب . و للدواسر حق الفخر و الإعتزاز بهذا الفعل خاصه انهم أول من سواه
لكن ما احد مصادرنا فعايلنا و لا احد يردنا عن فعل الطيب و النوماس حيث ٍانه يدفعنا للطيب نفوس عزاز و على الطيب مجبوله
هذا اللي نويت اوضحه لو ان الخاطر فيه بعض الكلام لكن ما ودي اطول اكثر عليكم
و السلام عليكم
اخوكم متعب الروقي