لغز لغز ( محلول من فهد الماو ) صح لسانه

[{ أبوفيصل }]

السلام عليكم
اليكم هذا اللغز امل يحوز على الرضى

.

[poem=font="traditional arabic,6,black,bold,normal" bkcolor="transparent" bkimage="backgrounds/47.gif" border="solid,1,black" type=1 line=0 align=center use=ex num="0,black""]

ويش أربعٍ في طبعهن ياملا عوص =أربع خوات اِبكار عوصٍ معاويص
ماشفت من يمشي على دربهن صوص =غير الْيا جن يمشن معاهن وصاويص
ونكان مرّن والبلد ماهو مرخوص =هن يستبيحن البلد دون ترخيص
[/poem]



.


.

[عامر الروقي]

ابوفيصل
صح لسانك وبيض الله وجهك لغز متعوب عليه
والرمعه الي في مقام اللغز غايبه

[{ أبوفيصل }]

المشاركة الأصلية كتبت بواسطة عامر الروقي ابوفيصل صح لسانك وبيض الله وجهك لغز متعوب عليه والرمعه الي في مقام اللغز غايبه

ابو ناجي ياهلابك

صح بدنك ووجهك يابعدي

[الأدميرال]

مساء الخير على الجميع

صح السانك يابوفيصل ويعطيك العافيه
جاري التفكير يالقرم تقبل تحياتي

[همس النسيم]

وعليكم السلام ورحمة الله وبركاته
صح لسانك يابو فيصل على هاللغز
ولي عودة له

[{ أبوفيصل }]

مساء النور والسرور يالادميرال

صح بدنك ،، ننتظر للحل فالحل فيصلاً

[{ أبوفيصل }]

حياااكـ وصح بدنكم ياهمس

[همس النسيم]

وش تقول بالأشهر الحرم

[إبن ثعلي]

كفرات السيارة الأربع؟

[الأدميرال]

الظاهر ان رمعت العود صابت
انا مع ابن ثعلي الكفرات