ماهو بيت الشعر الذي تمنيت أن يكون لك أو أنك قائله(فكررره جديده)

[بنت* عتيبة]

[frame="4 50"]أيامنــا والليالــي كــم نعاتبهـا

شبنـا وشابت وعفنـا بعض الأحوالـي

تاعد مواعيــد والجاهـل مكذبهـا

واللي عرف حدهـا من همهـا سالـي

إن أقبلـت يوم ما تصفـى مشاربهـا

تقفـي وتقبـل وما دامـت على حالي

في كــل يوم تورينـا عجايبهـا

واليوم الأول تراه احسـن من التالـي

أيـام فـي غلبهـا وايـام نغلبهـا

وايام فيهـا ســوا والدهـر ميالـي

جربت الأيام مثلـي من يجربهـا

تجريب عاقل وذاق المــر والحالـي

نضحك مع الناس والدنيا نلاعبـها

نمشي مع الفي طوع حيـث ما مالـي

كم من علومٍ وكــم آداب نكسبهــا

والشعر مازون مثقــالٍ بمثقالــي

اعرف حروف الهجاء بالرمز واكتبها

عاقل ومجنون حاوى كـل الأشكالي

لكن حظــي ردي والروح متعبهـا

ما فادني حسن تاديبي مـع أمثالـي

إن جيت ابي حاجـةٍ عزت مطالبها

العفو ما واحدٍ فــي الناس يا والي

قومٍ الـى جيتهـم رفـت شواربهـا

بالضحك واقلوبها فيها الردا كالـي

وقومٍ الى جيتها صكـت حواجبهـا

وابد ت لي البغض في مقفاي واقبالي

ما كنــي إلا حــال مغضبهــا

والكل في عشرتـه ماكر ودجالـي

يا حيف تخفي أموراً كنت حاسبهـا

واللي على بالهـم كلـه على بالـي

الجار جافـي وكـم قومٍ محاربهـا

والأهل وأصحابنا والدون والعالــي

والروح ويش عذرها في ترك واجبها

راح الحسب والنسب في جمع الأموالي

نفسي تبى العز والحاجات تغصبهـا

ترمي بها بيـن أجاويـد وانذالــي

المال يحــي رجالاً لا حيـاة ابها

كالسيل يحي الهشيـم الدمدم البالــي

عفت المنازل وروحـي يوم اجنبها

منها غنيمـه وعنها البعـد أولا لـي

لا خير في ديرةٍ يشقـى العزيز ابها

يمشي مع الناس في هـمٍ وإذلالـي

دارٍ بها الخــوف دومٍ ما يغايبهـا

والجوع فيها ومعها بعض الاحوالي

جوعى سراحينها شبعـى ثعالبهـا

الكلـب والهـر يقـدم كل ريبالـي

عز الفتى راس ماله من مكاسبهـا

يا مرتضي الهون لا عزٍّ ولا مالي

دللت بالروح لين ارخصت جانبهـا

وانا عتيبي عريب الجـد والخالـي [/frame]

[ولد غابي]

البيت الأول:

لوّ دونها سبعة سباع مصانيت ** دوس المخاطر للعتيبي دواً له

من إحدى قصائدي

البيت الثاني:

دللت بالروح لين أرخصت واجبها ** وأنا عتيبي عريب الجد والخالـي

من قصيدة بديوي الوقداني والقصيده أعتبرها من أجمل القصائد التي قرأتها حتى هذا اليوم

مع تحياتي

أبو طلال

[حسام هوازن]

والله يجماعة انا ماني شاعر بس متذوق للشعر


في قصيدة احبها كثير للشاعر مخلد القثامي يوم كان في مجلس بن رشيد وكان قبل الشاعر القثامي شاعر من احد القبائل يمدح قبيلته ويقول
حنا......... حنا......... ثم ماقدر يقدم قصيدة ارتجالية فقام الشاعر مخلد القثامي وقال قصيدة ارتجالية عن مفاخر عتيبة امام الشيخ بن رشيد:




حنا عتيبه كم حريب لطمناه
.........................دقلاتنا مثل الخيال الرزيني
علونا في الحجز واقصى قراياه
.......................وشرقينا يم الحسا مردفيني
وجنوبنا وادي الدواسر رعيناه
.........................وشمالنا يم المدينه يميني
حنا ترى نجد المسمى ملكناه
.......................وخابت حظوظ ملوكه الاوليني
وادي الرشا غصب على الناس نرعاه
......................بشلف رهاف ويقطعن الوتيني
تمرجحي في حمضته واشربي ماه
........................وتبرهجي يا مقرعات الحنيني
وكم بيت شيخ في نحانا هدمناه
.....................وامسوا مساييره من الخايبيني
وكم راس شيخ عن متونه نطلناه
....................وراحت تسير به كلاب القطيني
والفصل جا فاربع سنين مسماه
...................من عقبها سموى القبايل طنيني
منها النهار اللي على الضال واقصاه
........................من عجه الضلعان عيت تبيني
ومنها نهار فوق دلعه عبيناه
...................مع ايسر الهضبه عساها سنيني
ولد الدويشي فا لعويند كسرناه
........................يوم عليه ايشيب المرضعيني
وعلى طلال الدم الاشقر نثرناه
...........................يومنهم جونا الضحى سارحيني



اتمنى ان القصيدة حاز على رضاكم

[بنت* عتيبة]

حسام هوازن



بيض الله وجهك ولاشلت يمناك على ها الابيات الرائعة

[بنت* عتيبة]

[frame="8 50"]ابـرق لاح ام قمـر منيـرومسك فـاح ام نـد عبيـر

سرت جنح الظلام فقلت بدرا يكاد بنوره السـاري يسيـر

فهزة من قوام القـد رمحـافصار الكل منهـا يستجيـر

فتاة من خمور التيه سكـرىوما علقت بكفيها العصيـر

تلاعب قدها المياس عجبـاكما ذا يلعب الغصن النضير

فتصطاد القلـوب بمقلتيهـاوتطعن بالقـوام ولا تجيـر

فقلت لها وقد جرحت فؤادي بسهـم لايطيـش ولايحيـر

قفى ياربة الخلخـال مهـلااما انـي اسيـر لا اسيـر

وفي قلبي من الهجران ناراا ذا جن الدجى فلهـا سعيـر

واني لا اطيق الصبر يومـامن الهجران يشتق الهجيـر

ملكتيني فجـودى بالتلاقـي قتيل هواك يحينـه اليسيـر

المرحوم بديوي الوقداني[/frame]

[حسام هوازن]

يسلموووووووووووووووو يــــــ بنت*عتيبة على الاطراء

وهذا شيء اللي قاله مخلد القثامي ينم عن عراقة قبيلتنا الحبيبة
عتيبةهوازن

[بنت* عتيبة]

[poem=font="Simplified Arabic,4,orange,bold,normal" bkcolor="transparent" bkimage="backgrounds/3.gif" border="solid,4,gray" type=1 line=0 align=center use=ex num="0,black"]
يا عين هلّـي صافـى الدمـع هلّيـه

واليا انتهـى صافيـه هاتـى سريبـه

يا عين شوفـي زرع خـلك وراعيـه

شوفـي معاويـده وشـوفـي قليبـه

لا مرنـي بالـدرب ما قـدر احاكيـه

مصيبـةٍ يـاكبـرهـا مـن مصيبـه

اللي يبينــا عيّـت النفــس تبغيـه

واللي نبـي عيّـا البخـت لا يجيبـه
[/poem]

[حسام هوازن]

هذي قصيدة للشاعر كديميس العصيمي يتحدث عن مفاخر قبيلة عتيبة وقصيدته هذه طويلة بس اتيت بجزء منه


لـلـفـعـل مــيـــدان ولـلــقــول مــيـــزان وكــلــن بـمـجـهـود القـبـيـلـة يــمـــاري

عتـبـان الـيــا رد الـنـقـا والـجـفـا بـــان وبانت مـن الصاحـب علـوم وشـواري

يـرسـون للـخـط الجـلـل حـيـث مـاكـان
سـبـاع تحاتـيـهـم سـبــاع الـصـحـاري

واليـا نـزل هملـول مـن غـر الأمــزان
قطعـانـهـم تـــارد وســــاع الـخـبــاري

بيـن قحطـان وحـرب وجمـوع سبعـان
وابـن رشـيـد (الشـمـري) والمـطـاري

مـر(ن) جمـع شمـر عطيبيـن الأكـوان
الــلــي يـخــلــون الـقـبـايــل وقـــــاري

ومر(ن) جمع علوى على راي دوشان
والجمـع الآخـر فيـه شـري ومـشـاري

ومر(ن) سبيع اللي على الخيل فرسان
خـيـالـهــم دون الــجــنــب مـــايـــداري

ومر(ن) حروب حجاب والا صنيتـان
عـلـى الـرمـك ومقولـمـات الـسـمـاري

واللـي لهـم فـي ماسطـة نـجـد سلـطـان
أهـــــل الـقــيــادة والـــقـــرار الاداري

بنـي مضيـم أخــوان واحـيـان عــدوان
وحــنــا نعـامـلـهـم بـمـاكــان جـــــاري

وحنا بـذاك الوقـت ركـن مـن الأركـان
ونبـرز الـيـا صــار النـجـوم النـهـاري

يـــوم القـبـايـل تـدحــم عــنــد فـيـحــان
وحنـا مــن الـلـي ياصـلـون المـحـاري

نــدحــم جــنـــب لاتــزعـــزع ولا لان
الــيــا ركـبـنــا غـالـيــات الـمــشــاري

ومركاضنـا يشبـع بـه الذيـب سرحـان
ونـفــرق مـوالـيــف ونـيـتــم فــــراري

بـوقـت عنـيـف ولــه مخـالـب ونيـبـان
ولــو ينطـمـع فيـنـا كلتـنـا الـضــراري

ونفـرح اليـا جـونـا عـوانـي وضيـفـان
وملـجـا لـمـن قـلـت علـيـه الـمـصـاري

*****************************************

اتمنى ان يحوز على رضاكم ولكم كل التحية

[جراح]

الفكره ممتازه جدا وياليت اللي يعرف منكم هالقصيده كامله يجيبها لي



والله اني تعبت وانا أدورها وهي لأحد أعلام وكبار شعراء عتيبه اللي


أفخر به كثيرا واحبه جدا جدا ... الشاعر عبدالله بن عون ................



أشهر بيت فيها يقول ..











لو يملكون أرقام الاموال حتيش ... در الحماره دوب يكفي جحشها

[بعيدلهقاوي]

يمال العافيه هداج تيما على هالفكره الرائعه.
والبيت اللي اعجبني وتمنيت يكون لي .
لاخاب ضنك بالرفيق الموالي ..... مالك مشاريهن على باقي الناس
اخوك بعيد الهقاوي