يشيل حتفه فوق كتفه ( محلول من ابن ثعلي) صح لسانه

[همس النسيم]

صباح الخير
صح لسانك يالعطاوي
وش تقول بالجنازة والي يشيلونها
أو بالنعش

[{ أبوفيصل }]

المشاركة الأصلية كتبت بواسطة همس النسيم صباح الخير صح لسانك يالعطاوي وش تقول بالجنازة والي يشيلونها أو بالنعش

صباح / ومساءك نور ، صح بدنكـ

وضحي لنا رمعتكـ تحديداً حتى اعرف وش تقصدين

[إبن ثعلي]

اعتقد يالعطاوي انه الرجل الذي بدون ابناء يدعون له اذا مات

[عامر الروقي]

العطاوي
صح لسانك وبيض الله وجهك
رمعه في مقام اللغز ما تحضرني
وجاري التفكير

[{ أبوفيصل }]

المشاركة الأصلية كتبت بواسطة عامر الروقي العطاوي صح لسانك وبيض الله وجهك رمعه في مقام اللغز ما تحضرني وجاري التفكير

صح بدنك وانت بالذات هات حله
انا متأكد ماتجهله ، بس لاتجاهل علينا

[{ أبوفيصل }]

مالك لوا يابن ثعلي

:)

[همس النسيم]

انا رمعت رمعتين
قلت الجنازة أو النعش
ولا أدري وش تبي أوضح

[إبن ثعلي]

الظاهر انه ابن رشيد الملقب بالجنازه

[{ أبوفيصل }]

ياويش رجـلٍ عاش ميّت وهـو حي
مـيّــت وهـــو مـــازال حــي وتــوفّـا

وقــتٍ مـضـى مــرٍّ يـسـنّـد ويـنْـحـي
ويشيـل حتفـه فـوق كتـفـه وشلْـفـا

لاغـافـيً بـالـنـوم واقـــول يـصـحـي
والـمـوت مايخـشـاه لــو قـيــل قـفّــا

المشاركة الأصلية كتبت بواسطة إبن ثعلي الظاهر انه ابن رشيد الملقب بالجنازه

صح لسااانك وبيض الله وجهك يابن ثعلي

ابن رشيد (( عبدالعزيز الجنازه ))

لقب لـ عبدالعزيز بن رشيد ويقال أن من سمّاه هو سميّه عبد العزيز ابن سعود
حين تقابل الجيشان فقال عبدالعزيز الجنازه لأبن سعود اقابلك لحالي وخذ معك من فرسان جيشك اربعين فارس
فقال ابن سعود :( حي يقابل ميت ) هذا جنازه ، ومنذ ذلك الحين والاسم يصف صاحبه

احترامي

[عامر الروقي]

المشاركة الأصلية كتبت بواسطة العطـاااوي ياويش رجـلٍ عاش ميّت وهـو حي مـيّــت وهـــو مـــازال حــي وتــوفّـا وقــتٍ مـضـى مــرٍّ يـسـنّـد ويـنْـحـي ويشيـل حتفـه فـوق كتـفـه وشلْـفـا لاغـافـيً بـالـنـوم واقـــول يـصـحـي والـمـوت مايخـشـاه لــو قـيــل قـفّــا صح لسااانك وبيض الله وجهك يابن ثعلي :sniper (37): ابن رشيد (( عبدالعزيز الجنازه )) لقب لـ عبدالعزيز بن رشيد ويقال أن من سمّاه هو سميّه عبد العزيز ابن سعود حين تقابل الجيشان فقال عبدالعزيز الجنازه لأبن سعود اقابلك لحالي وخذ معك من فرسان جيشك اربعين فارس فقال ابن سعود :( حي يقابل ميت ) هذا جنازه ، ومنذ ذلك الحين والاسم يصف صاحبه احترامي

ابن ثعلي
صح الفكر والتفكير في حل اللغز وبيض الله وجهك
العطاوي
صح لسانك وبيض الله وجهك على حبكة الغز
تقدير واحترام
للجميع